പുതിയ ജെയിംസ് ബോണ്ട് ചിത്രമായ സ്‌പെക്ട്രയുടെ ടീസറുകളിലും ട്രെയിലറുകളിലുമായി ആരാധകരെ ത്രസിപ്പിച്ച ബോണ്ട് കാറുകള്‍ യഥാര്‍ത്ഥത്തില്‍ മുന്നിലെത്തി. ഫ്രാങ്ക്ഫര്‍ട്ട് മോട്ടോര്‍ഷോയിലാണ് ജാഗ്വാറും ലാന്‍ഡ്‌റോവറും സ്‌പെക്ട്രയില്‍ തങ്ങള്‍ ആദ്യമായി അവതരിപ്പിക്കുന്ന കാറുകള്‍ പരിചയപ്പെടുത്തിയത്. ജാഗ്വാര്‍ സി-എക്‌സ്75, റേഞ്ച് റോവര്‍ സ്‌പോര്‍ട് എസ്‌വിആര്‍, ലാന്‍ഡ്‌റോവര്‍ ഡിഫന്‍ഡര്‍ എന്നീ കാറുകളാണ് സ്‌പെക്ട്രയില്‍ ബോണ്ടിന്റെ വാഹനമായി ഉപയോഗിക്കുന്നത്. ആദ്യമായാണ് പൊതുസമൂഹത്തിന് മുമ്പില്‍ ജാഗ്വാറും ലാന്‍ഡ്‌റോവറും തങ്ങളുടെ പുതിയ കാറുകള്‍ അവതരിപ്പിക്കുന്നത്.
ജാഗ്വാറിന്റെ കണ്‍സെപ്റ്റ് കാറാണ് ജാഗ്വാര്‍ സി-എക്‌സ് 75. റോമിന്റെ തെരുവില്‍ ചന്ദ്രന്റെ വെളിച്ചത്തില്‍ നടത്തുന്ന സ്‌പെക്ട്രയുടെ കാര്‍ ചേസിലൂടെ ഇതിനകം തന്നെ സി-എക്‌സ് 75 ജനശ്രദ്ധ നേടിയിരുന്നു. ജാഗ്വാര്‍ ലാന്‍ഡ്‌റോവറിന്റെ സ്‌പെഷ്യല്‍ വെഹിക്കള്‍ ഓപ്പറേഷന്‍ വിഭാഗമാണ് സി-എക്‌സ് 75 പ്രത്യേകമായി രൂപവത്കരിച്ചത്. റേഞ്ച്‌റോവര്‍ സ്‌പോര്‍ട് എസ്‌വിആറിന്റെ പ്രത്യേകത ടയറുകളിലാണ്. 37 ഇഞ്ച് ഡയാമീറ്റര്‍ ഓഫ് റോഡ് ടയറുകളാണ് സ്‌പോര്‍ട് എസ്‌വിആറിന്റേത്. മലമടക്കുകളിലെ ചിത്രീകരണത്തില്‍ ഈ വാഹനമാണ് ഉപയോഗിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
