മോഷ്ടിച്ച കഥയ്ക്കാണ് മികച്ച കഥയ്ക്കുള്ള പുരസ്‌കാരം നല്‍കിയതെന്ന് ഫെഫ്ക; കാറ്റും മഴയും ചിത്രത്തിന്റെ കഥ തന്റേതെന്ന് നജീം കോയ

കൊച്ചി: മികച്ച കഥയ്ക്കുള്ള സംസ്ഥാന പുരസ്‌കാരം ലഭിച്ച കാറ്റും മഴയും എന്ന ചിത്രത്തിന്റെ കഥ മോഷ്ടിച്ചതാണെന്ന് ഫെഫ്ക. മോഷ്ടിച്ച കഥയാണ് ഹരികുമാര്‍ പുരസ്‌കാരത്തിനായി അയച്ചത്. ചിത്രത്തിന്റെ കഥ നജീം കോയയുടെ കഥ മോഷ്ടിച്ചതാണെന്നാണ് ഫെഫ്ക പറയുന്നത്. ഇക്കാര്യം ഹരികുമാറും സമ്മതിച്ചിട്ടുള്ളതാണ്. മോഷ്ടിച്ച കഥ പുരസ്‌കാരത്തിനായി അയക്കുന്നത് വഞ്ചനയാണെന്നു നജീം കോയ പറഞ്ഞു. ഹരികുമാറിനെതിരെ കോടതിയെ സമീപിക്കുമെന്നും നജീം കോയ പറഞ്ഞു.