പയ്യന്നൂര്: ബസ് സ്റ്റാന്ഡില് ഫ്ളാഷ് മോബ് അവതരിപ്പിച്ച വിദ്യാര്ത്ഥിനിയെ യാത്രക്കാരി മര്ദ്ദിച്ചു. പയ്യന്നൂര് ബസ് സ്റ്റാന്ഡില് കഴിഞ്ഞ ദിവസമാണ് സംഭവം. ഗതാഗത തടസം സൃഷ്ടിച്ചെന്ന് ആരോപിച്ചാണ് ഫ്ളാഷ് മോബ് നടക്കുന്നതിനിടെ കയറിവന്ന സ്ത്രീ വിദ്യാര്ത്ഥിനിയെ പരസ്യമായി മര്ദ്ദിച്ചത്.
കോറോത്തെ ഒരു കോളേജിലെ ഒരുകൂട്ടം വിദ്യാര്ത്ഥികളാണ് പയ്യന്നൂര് പഴയ ബസ് സ്റ്റാന്ഡില് ഫ്ളാഷ് മോബ് അവതരിപ്പിച്ചത്. പഴയങ്ങാടി റൂട്ടിലോടുന്ന ബസിലെ യാത്രക്കാരിയായ വീട്ടമ്മയാണ് ബസില് നിന്നിറങ്ങി വന്ന വിദ്യാര്ത്ഥിനിയെ തല്ലിയത്. ഗതാഗത തടസം ഒഴിവാക്കണമെന്നും പരിപാടി അവിടെ നിന്ന് മാറ്റണമെന്നും ആവശ്യപ്പെട്ടു കൊണ്ടായിരുന്നു മര്ദ്ദനമെന്നാണ് ദൃക്സാക്ഷികള് പറയുന്നത്.
സംഭവശേഷം പിരിഞ്ഞ പോയ വിദ്യാര്ത്ഥികള് തിരികെയെത്തിയെങ്കിലും ബസ് ജീവനക്കാരും യാത്രക്കാരും പൊലീസുകാരും വീട്ടമ്മയ്ക്കൊപ്പമായിരുന്നു. കോളേജില് നടക്കുന്ന വിദ്യാഭ്യാസ പ്രദര്ശനത്തിന്റെ ഭാഗമായാണ് വിദ്യാര്ത്ഥികള് ഫ്ളാഷ് മോബ് സംഘടിപ്പിച്ചത്.സ്ത്രീ ഫ്ളാഷ് മോബ് കാരണം ബുദ്ധിമുട്ട് അനുഭവിക്കേണ്ടി യാത്രക്കാരിയാണെന്നും അതേസമയം, പെണ്കുട്ടിയുടെ അമ്മയാണ് ഇവരെന്നും വാദമുണ്ട്.
സംഭവത്ത എതിര്ത്തും അനുകൂലിച്ചും സോഷ്യല്മീഡിയയില് ചര്ച്ചകള് പുരോഗമിക്കുകയാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here