ദില്ലി: ബാങ്ക് അക്കൗണ്ട് ആരംഭിക്കാന്‍ ആധാര്‍ നിര്‍ബന്ധമാക്കി കേന്ദ്ര റവന്യു മന്ത്രാലയം. നിലവിലെ ബാങ്ക് അക്കൗണ്ടുകള്‍ ഡിസംബര്‍ 31ന് മുന്‍പ് ആധാറുമായി ലിങ്ക് ചെയ്യണമെന്നും അല്ലാത്ത അക്കൗണ്ടുകളില്‍ ഇടപാടുകള്‍ നടത്താന്‍ കഴിയില്ലെന്നും കേന്ദ്രം ഉത്തരവിട്ടു.
50,000 രൂപയ്ക്ക് മുകളിലുള്ള ഇടപാടുകള്‍ക്കും ആധാര്‍ നിര്‍ബന്ധമാക്കി. 2005ലെ പ്രിവന്‍ഷന്‍ ഓഫ് മണി ലോന്‍ഡറിംഗ് റൂള്‍സ് നിയമത്തിലെ വകുപ്പുകള്‍ ഭേദഗതി ചെയ്തുകൊണ്ടാണ് കേന്ദ്ര ഉത്തരവ്.
പാന്‍ കാര്‍ഡിനെ ആധാറുമായി ബന്ധിപ്പിക്കണമെന്നുളള കേന്ദ്രനിര്‍ദേശം സുപ്രീംകോടതി ശരിവച്ചതിന് പിന്നാലെയാണ് കേന്ദ്രത്തിന്റെ പുതിയ ഉത്തരവ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here
