പുതിയ സ്മാര്‍ട്ട് ഫോണുമായി കൂള്‍പാഡ്

കൂള്‍പാഡിന്റെ പുതിയ സ്മാര്‍ട്ഫോണ്‍ പതിപ്പ് ഇന്ത്യയില്‍. കൂള്‍ പ്ലേ 6 എന്ന് പേരിട്ടിരിക്കുന്ന പുതിയ പതിപ്പ് ആഗസ്റ്റ് 20 നാണ് ഇന്ത്യയിലെത്തുക. ചൈനീസ് കമ്പനിയായ കൂള്‍പാഡ്, കൂള്‍ പ്ലേ 6ന്റെ വരവ് തങ്ങളുടെ ഔദ്യോഗിക ഫേസ്ബുക്ക് പേജിലൂടെയാണ് അറിയിച്ചത്.

ചൈനയില്‍ കഴിഞ്ഞ മെയില്‍ കൂള്‍ പ്ലേ 6 ലോഞ്ച് ചെയ്തിരുന്നു. ഗെയിമിങ് ഉപകരണം എന്ന പേരിലായിരുന്നു കൂള്‍ പ്ലേവിപണിയിലിറക്കിയത്. കൂള്‍ പ്ലേ 6 ല്‍ 4060 മില്ലി ആമ്പിയര്‍ ബാറ്ററിയും 6 ജി.ബി റാമുമാണ് ഉപയോഗിക്കുന്നത്. ചൈനീസ് വിപണിയില്‍ ഇതിന് 1,499 യുവാനാണ് (ഏകദേശം 14,000 രൂപ) വില. ഇന്ത്യന്‍ വിപണിയിലും ഇതിനോടടുത്ത വില തന്നെയാകും

കൂള്‍പാഡ് കൂള്‍ പ്ലേ 6 ന് മെറ്റല്‍ ഫ്രെയിം ആണുള്ളത്. ബാക്ക് സൈഡില്‍ ഡ്യുവല്‍ ക്യാമറയും ഫിംഗര്‍ പ്രിന്റ് സ്‌കാനര്‍ സംവിധാനവും ഉണ്ട്. . സൗണ്ട് ബട്ടണും പവര്‍ ബട്ടണും വലതു വശത്താണുള്ളത്. താഴെയായി ഡ്യുവല്‍ സ്പീക്കര്‍ ഗ്രില്ലുകള്‍ കാണാം.

ആന്‍ഡ്രോയിഡ് 7.1.1 ന്യൂഗട്ടിലാണ് കൂള്‍പാഡ് കൂള്‍ പ്ലേ 6 പ്രവര്‍ത്തിക്കുന്നത്. ഡിസ്‌പ്ലേ 5.5 ഇഞ്ച് 1080ത1920 പിക്‌സല്‍ ഫുള്‍ എച്ച്.ഡിയാണ്. ക്വാല്‍കോം സ്‌നാപ് ഡ്രാഗണ്‍ 653 പ്രോസസറും അഡ്രിനോ 510 ജി.പി.യുവും ചേര്‍ന്നാണ് പ്രവര്‍ത്തിക്കുന്നത്. 6.ജി.ബി റാം ഇതിലുണ്ട്