ക്രൈസ്തവ സഭകള്‍ ജാതിവിവേചനം അവസാനിപ്പിക്കണമെന്ന് ഗീവര്‍ഗീസ് കൂറിലോസ്; അബ്രാഹ്മണരെ പൂജാരികളായി നിയമിക്കാനുള്ള പിണറായി സര്‍ക്കാരിന്റെ തീരുമാനം വിപ്ലവകരം

തിരുവനന്തപുരം: ക്രൈസ്തവ സഭകള്‍ ജാതിവിവേചനം അവസാനിപ്പിക്കണമെന്ന് യാക്കോബായ സഭയുടെ നിരണം ഭദ്രാസനാധിപന്‍ ഗീവര്‍ഗീസ് കൂറിലോസ്.

അബ്രാഹ്മണരെ പൂജാരികളായി നിയമിക്കാനുള്ള പിണറായി സര്‍ക്കാരിന്റെ തീരുമാനം വിപ്ലവകരവും സ്വാഗതാര്‍ഹവുമാണെന്നും ഗീവര്‍ഗീസ് കൂറിലോസ് പറഞ്ഞു.

കേരളത്തിലെ ക്രൈസ്തവ സഭകളും ഈ വെല്ലുവിളി സ്വീകരിച്ച് വിവിധ സഭകളില്‍ ഇന്നും നിലനില്‍ക്കുന്ന ജാതി വിവേചനം അവസാനിപ്പിക്കുവാന്‍ സത്വര നടപടികള്‍ സ്വീകരിക്കണമെന്നും. ക്രിസ്തുവിനും ജാതീയതക്കും ഒരുമിച്ച് പോകാന്‍ കഴിയുകയില്ലെന്നും അദ്ദേഹം പറഞ്ഞു.