സോളാര്‍: മുഖ്യമന്ത്രിക്ക് ഉമ്മന്‍ചാണ്ടിയുടെ കത്ത്

സോളാര്‍ കമ്മീഷന്‍ റിപ്പോര്‍ട്ട് നല്‍കണമെന്നാവശ്യപ്പെട്ട് ഉമ്മന്‍ചാണ്ടി മുഖ്യമന്ത്രി പിണറായി വിജയന് കത്തയച്ചു.

നേരത്തെ വിവരാവകാശ പ്രകാരം റിപ്പോര്‍ട്ടിന്റെ പകര്‍പ്പിനായി ഉമ്മന്‍ചാണ്ടി അപേക്ഷിച്ചിരുന്നു. എന്നാല്‍ നിയമസഭയില്‍ വയ്ക്കുന്നതിന് മുന്‍പ് പകര്‍പ്പ് നല്‍കാനാകില്ലെന്ന് മുഖ്യമന്ത്രി വ്യക്തമാക്കിയിരുന്നു.

ഈ സാഹചര്യത്തിലാണ് കത്തയച്ചത്. റിപ്പോര്‍ട്ടിന്റെ പ്രസക്ത ഭാഗങ്ങള്‍ വെളിപ്പെടുത്താതെയാണ് സര്‍ക്കാര്‍ അന്വേഷണ തീരുമാനം കൈകൊണ്ടതെന്ന് ഉമ്മന്‍ചാണ്ടി കത്തില്‍ കുറ്റപ്പെടുത്തുന്നു.

ഒരു പൗരനെന്ന നിലയിലുള്ള തന്റെ അവകാശം നിഷേധിക്കുകയാണ് സര്‍ക്കാരെന്നും കത്തില്‍ പറയുന്നു.