കൊല്ലം : കരുനാഗപ്പള്ളിയില്‍ തലയില്‍ പുഴു അരിച്ച നിലയില്‍ കണ്ടെത്തിയ വൃദ്ധനെ ആശുപത്രിയില്‍ പ്രവേശിപ്പിച്ച് പോലീസ് മാതൃകയായി. കരുനാഗപ്പള്ളി സ്വദേശി രാധാകൃഷ്ണപിള്ളയെയാണ് പോലീസും സാമൂഹ്യപ്രവര്‍ത്തകരും ചേര്‍ന്ന് ആശുപത്രിയിലെത്തിച്ചത്.
കരുനാഗപ്പള്ളിയിലെ അറിയപെടുന്ന കുടുംബത്തത്തിലെ അംഗമായ രാധാകൃഷ്ണപിള്ള ചെവിയില്‍ വ്രണവുമായി അലഞ്ഞു തിരിഞ്ഞ് നടക്കുകയായിരുന്നു,
കഴിഞ്ഞ ദിവസം കരുനാഗപ്പള്ള ബസ്റ്റാന്റില്‍ അവശനിലയില്‍ ദുര്‍ഗന്ധം വമിച്ചു കിടന്ന രാധാകൃഷ്ണപിള്ളയെ കരുനാഗപ്പള്ളി സിഐ രാജേഷിന്റെ നേതൃത്വത്തില്‍ രക്ഷാപ്രവര്‍ത്തനം നടത്തി ആശുപത്രില്‍ എത്തിക്കുകയായിരുന്നു.
ഡോക്ടര്‍മാറുടെ പരിശോധനയില്‍ തലയില്‍ പഴുപ് കയറി പുഴു വന്ന നിലയിലായിരുന്നു തുടര്‍ന്ന് പോലീസ് തന്നെ രാധാകൃഷ്ണനെ വണ്ടാനം മെഡിക്കല്‍ കോളേജ് ആശപത്രിയില്‍ എത്തിച്ച് വിദഗ്ദ്ധ ചികിത്സ ലഭ്യമാക്കി.
പോലീസിന്റെ അഭ്യര്‍ത്ഥന പ്രകാരം കൊല്ലം പത്തനാപുരം ഗാന്ധിഭവന്‍ രാധാകൃഷ്ണ പിള്ളയുടെ സംരക്ഷണം ഏറ്റെടുത്തു.സാമൂഹിക പ്രവര്‍ത്തകനായ സിദ്ദിഖാണ് രാധാകൃഷ്ണപിള്ളയുടെ ദയനീയാവസ്ഥ പോലീസിനെ അറിയിച്ചത്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
