കൊമ്പന്‍മാര്‍ കളത്തില്‍; മഞ്ഞപ്പടയുടെ ആദ്യ ഹോം പോരാട്ടത്തിന്‍റെ ആവേശത്തില്‍ ആരാധകര്‍ ഹാപ്പിയാണ്

കൊച്ചി:  കേരളത്തിൽ എത്തിയതിനു ശേഷമുള്ള ബ്ലാസ്റ്റേഴ്സിന്റെ ആദ്യ സൗഹൃദ മത്സരത്തിന് ഇന്ന് കളമൊരുങ്ങും. ഗോകുലം എഫ് സിയ്ക്കെതിരെയാണ്  ആദ്യ മത്സരം.

ഇന്നത്തെ സൗഹൃദ മത്സരത്തിന് കാണികൾക്ക് പ്രവേശനം ഇല്ലായെങ്കിലും ആരാധകർക്ക് മത്സരം കാണാൻ അവസരമുണ്ട് . ഇന്ന് വൈകിട്ട് പനമ്പള്ളി നഗർ സ്കൂൾ ഗ്രൗണ്ടിൽ വെച്ചാണ് ബ്ലാസ്റ്റേഴ്സ് ഗോകുലം മത്സരം നടക്കുന്നത്.

പനമ്പള്ളി നഗർ ഗ്രൗണ്ടിനു ചുറ്റും ഇരുമ്പ് കൊണ്ട് ബ്ലോക്ക് ചെയ്തിട്ടുണ്ട് എങ്കിലും മതിലുകൾ ഇല്ലാ എന്നതിനാൽ പുറത്ത് നിന്ന് മത്സരം കാണാൻ ആരാധകർക്ക് കഴിയും. ഈ സന്തോഷത്തിലാണ് ബ്ലാസ്റ്റേഴ്സ് ആരാധകർ.

ബ്ലാസ്റ്റേഴ്‌സ് ഒരാഴ്ചയായി ഇതേ ഗ്രൗണ്ടിലാണ് പരിശീലനം നടത്തിവരുന്നത്. പരിശീലനം കാണാനും നിരവധി ആരാധകർ പനമ്പിള്ളി നഗർ ഗ്രൗണ്ടിന് ചുറ്റും എത്താറുണ്ടായിരുന്നു. എല്ലാ തയ്യാറെടുപ്പുകളും പൂർത്തിയാക്കി പോരാട്ടം തുടങ്ങാൻ തയ്യാറായി നിൽക്കുകയാണ് കേരള ബ്ലാസ്‌റ്റേഴ്‌സ്.