തന്റെ ആദ്യ ഹിന്ദി ചിത്രമായ ജൂലി 2ലെ അഭിനയത്തെക്കുറിച്ച് തുറന്നുപറഞ്ഞ് റായി ലക്ഷ്മി. ആരാധകരുടെ നെഞ്ചിടിപ്പ് കൂട്ടുന്ന ആ രംഗങ്ങളിലെ അഭിനയം അത്ര എളുപ്പമായിരുന്നില്ലെന്നാണ് ഒരു അഭിമുഖത്തില്‍ റായി ലക്ഷ്മി പറയുന്നത്.
റായി ലക്ഷ്മിയുടെ വാക്കുകള്‍ ഇങ്ങനെ:
”എനിക്കറിയില്ല, ഞാന്‍ അതിനെ കുറിച്ച് സംസാരിക്കണമോയെന്ന്. ആലോചിക്കാവുന്നതിനപ്പുറത്തുള്ള ഒരു രംഗം എനിക്ക് ജൂലിയില്‍ അഭിനയിക്കേണ്ടി വന്നു. പ്രേക്ഷകന് സ്വാഭാവികത അനുഭവപ്പെടുന്ന രീതിയിലായിരുന്നു ആ രംഗം ചിത്രീകരിച്ചത്.”
”എന്റെ കഥാപാത്രത്തിന്, അവള്‍ക്കൊട്ടും താല്‍പര്യമില്ലാത്ത, അംഗീകരിക്കാനാവാത്ത വ്യക്തിയുടെ കൂടെ നിര്‍ബന്ധപൂര്‍വം കിടക്ക പങ്കിടേണ്ട രംഗമായിരുന്നു അത്. ആ രംഗവും അത് ചിത്രീകരിച്ച രീതിയും അറപ്പുളവാക്കുന്നതായിരുന്നു.”
”എനിക്കൊട്ടും തൃപ്തിയില്ലാത്ത ഒരു അന്തരീക്ഷമായിരുന്നു. വളരെ മനോഹരമായി എടുത്ത രംഗമാണത്. ഇപ്പോള്‍ പോലും ആ രംഗത്തെ കുറിച്ചാലോചിക്കുമ്പോള്‍ എനിക്ക് വല്ലാത്ത അറപ്പാണ്.”
ദീപക് ശിവ്ദാസനിയുടെ സംവിധാനത്തിലൊരുങ്ങിയ ജൂലി 2 നവംബര്‍ 24ന് റിലീസ് ചെയ്യും. രവി കിഷന്‍, ആദിത്യ ശ്രീവാസ്തവ, രതി അഗ്‌നിഹോത്രി എന്നിവരാണ് മറ്റ് പ്രധാന താരങ്ങള്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
