തിരുവനന്തപുരം: രാജസ്ഥാനില് ലൗ ജിഹാദ് ആരോപിച്ച് യുവാവിനെ വെട്ടിയശേഷം ജീവനോടെ കത്തിച്ചുകൊന്ന സംഭവത്തെ ന്യായീകരിച്ച് ഹിന്ദു ഹെല്പ്പ് ലൈന് നേതാവ് പ്രതീഷ് വിശ്വനാഥന്. സംഭവത്തിന്റെ വാര്ത്ത ഷെയര് ചെയ്തുകൊണ്ടാണ് പ്രതീഷിന്റെ പരാമര്ശം.
”രാജസ്ഥാനില് ലവ് ജിഹാദ് ചെയ്യാന് ശ്രമിച്ച ജിഹാദിയെ ജീവനോടെ ചുട്ടെരിക്കുന്ന വീഡിയോ വൈറല് ആകുന്നു. ലവ് ജിഹാദ് ചെയ്യാന് ശ്രമിക്കുന്ന ഓരോരുത്തര്ക്കും ഇതായിരിക്കും ഗതി എന്ന് കൊലപാതകം ചെയ്ത ആള് വിഡിയോയില് പറയുന്നുമുണ്ട്.
ഭാരതത്തിലെ സമാധാന അന്തരീക്ഷം നിലനിര്ത്താന് ജിഹാദികള് ലവ് ജിഹാദ് അവസാനിപ്പിക്കേണ്ട സമയം ആയിരിക്കുന്നു. ലവ് ജിഹാദ് അവസാനിപ്പിച്ചാല് ഇങ്ങനെ ഉള്ള സംഘര്ഷങ്ങള് ഒഴിവാക്കാന് പറ്റും. മുസാഫാര് നഗര് കലാപവും ലവ് ജിഹാദ് കാരണമാണ്. മുസ്ലിം നേതാക്കള് തന്നെ മുന്കൈ എടുത്തു ലവ് ജിഹാദ് അവസാനിപ്പിക്കണം.”- പ്രതീഷ് പറയുന്നു.
കാശിയിലെയും മധുരയിലെയും മുസ്ലിം പള്ളികള് പൊളിക്കുമെന്ന ഭീഷണിയുമായും ഇയാള് കഴിഞ്ഞദിവസം രംഗത്തെത്തിയിരുന്നു. ഇതിന് പിന്നാലെയാണ് കൊലപാതകത്തെ ന്യായീകരിക്കുന്നത്.
ബാബറി മസ്ജിദ് ദിനത്തില് സംസ്ഥാനത്തിന്റെ വിവിധ ഭാഗങ്ങളില് മധുരം വിതരണം ചെയ്ത് ആഘോഷിക്കുന്നതിന്റെ ചിത്രങ്ങളും ഇയാള് പ്രചരിപ്പിച്ചിരുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here