അമലാ പോളിന് ഹൈക്കോടതി മുൻകൂർ ജാമ്യം അനുവദിച്ചു

പോണ്ടിച്ചേരിയിൽ ആഢംബര വാഹനം രജിസ്റ്റർ ചെയ്ത് നികുതി വെട്ടിച്ചെന്ന കേസിൽ നടി
അമലാ പോളിന് ഹൈക്കോടതി മുൻകൂർ ജാമ്യം അനുവദിച്ചു. നടി അന്വേഷണ ഉദ്യോഗസ്ഥരുമായി സഹകരിക്കണമെന്നും കോടതി നിർദ്ദേശിച്ചു .

അമല പോൾ അന്വേഷണ ഉദ്യോഗസ്ഥൻ ആവശ്യപ്പെട്ടുന്ന മുറക്ക് ഹാജരാവണം. കഴിഞ്ഞ ദിവസം അമല പോൾ അന്വേഷണ ഉദ്യോഗസ്ഥർ മുമ്പാകെ ഹാജരായി മൊഴി നൽകിയിരുന്നു.

വ്യാജരേഖയുണ്ടാക്കി പോണ്ടിച്ചേരിയിൽ കാർ രജിസ്റ്റർ ചെയ്ത് നികുതി വെട്ടിച്ചെന്നാണ്
കേസ്. ക്രൈം ബ്രാഞ്ചാണ് അമല പോളിനെതിരെ കേസെടുത്തത്.