ബിജെപി വിരുദ്ധ നേതാക്കൾ ഉന്മൂലനഭീഷണിയിലോ? തൊഗാഡിയയ്ക്കു പിറകേ ജിഗ്നേഷ് മേവാനിയോ?

ത​​ന്റെ ജീ​വ​ന്​ ഫാ​ഷി​സ്​​റ്റു​ക​ളു​ടെ ഭീ​ഷ​ണി​യു​ണ്ടെ​ന്ന പ്രസ്താവനയുമായി ഗു​ജ​റാ​ത്തി​ലെ തീപ്പൊരി ദ​ലി​ത്​ നേ​താ​വ്​ ജി​ഗ്​​നേ​ഷ്​ മേ​വാ​നി എം.​എ​ല്‍.​എ. രംഗത്തുവന്നു. ആ​ര്‍.​എ​സ്.​എ​സും ബി.​ജെ.​പി​യും വേ​ണ്ടി​വ​ന്നാ​ല്‍ തന്നെ വകവരുത്തു​മെന്നും

ത​ന്നെ ഇ​ല്ലാ​താ​ക്കാ​നാ​ണ്​ നീ​ക്ക​മെ​ന്നും മേവാനി പ​റ​ഞ്ഞു.ഏ​റ്റു​മു​ട്ട​ലി​ലൂ​ടെ കൊ​ല​പ്പെ​ടു​ത്താ​ന്‍ പൊ​ലീ​സ്​ നീ​ക്കം ന​ട​ത്തു​ന്ന​താ​യി വി​ശ്വ​ഹി​ന്ദു പ​രി​ഷ​ത്ത്​ അ​ന്താ​രാ​ഷ്​​​ട്ര വ​ര്‍​ക്കി​ങ്​ പ്ര​സി​ഡ​ന്‍​റ്​ പ്ര​വീ​ണ്‍ ​തൊ​ഗാ​ഡി​യ​യു​ടെ വെ​ളി​പ്പെ​ടു​ത്ത​ലി​ന്​ പി​ന്നാ​ലെ​യാ​ണ്​ ഞെ​ട്ടി​ക്കു​ന്ന വെ​ളി​പ്പെ​ടു​ത്ത​ലു​മാ​യി ഗുജറാത്തിൽ ബിജെപിക്കു വെല്ലുവിളിയുയർത്തുന്ന ​യു​വ​നേ​താ​വ്​ രം​ഗ​ത്തെ​ത്തി​യ​ത്.

‘പ്ര​വീ​ണ്‍ തൊ​ഗാ​ഡി​യ​യു​ടെ അ​തേ വി​കാ​ര​മാ​ണ്​ എ​നി​ക്കും. ആ​രെ വേ​ണ​മെ​ങ്കി​ലും വ​ധി​ക്കാ​ന്‍ ശേ​ഷി​യു​ള്ള​വ​രാ​ണ്​ ഫാ​ഷി​സ്​​റ്റ്​ ശ​ക്​​തി​ക​ള്‍. ല​ഭ്യ​മാ​യ വി​വ​ര​പ്ര​കാ​രം, ആ​ര്‍.​എ​സ്.​എ​സും ബി.​ജെ.​പി​യും എ​ങ്ങ​നെ​യെ​ങ്കി​ലും എ​ന്നെ ഇ​ല്ലാ​താ​ക്കു​മെ​ന്ന്​ ഉ​റ​പ്പാ​ണ്​” – ​മേ​വാ​നി പ​റ​ഞ്ഞു.

ഗു​ജ​റാ​ത്ത്​ നി​യ​മ​സ​ഭ തെ​ര​ഞ്ഞെ​ടു​പ്പി​ല്‍ കോ​ണ്‍​ഗ്ര​സ്​ പി​ന്തു​ണ​യോ​ടെ സ്വ​ത​ന്ത്ര​നാ​യി മ​ത്സ​രി​ച്ച മേ​വാ​നി​ക്കെ​തി​രെ പ്ര​ചാ​ര​ണ​ത്തി​നി​ടെ പ​ല​ത​വ​ണ ആ​ക്ര​മ​ണം ന​ട​ന്നി​രു​ന്നു.

മേ​വാ​നി​ക്ക്​ വൈ ​കാ​റ്റ​ഗ​റി സു​ര​ക്ഷ ന​ല്‍​ക​ണ​മെ​ന്ന്​ ദ​ലി​ത്​ സം​ഘ​ട​ന​കളും ആ​വ​ശ്യ​​​​പ്പെ​ട്ടു. ഇതു കാണിച്ച് വിവിധ സംഘടനകൾ ഗുജറാത്തിലെ ജില്ലാ കലക്ടർമാർക്ക് നിവേദനം നല്കി. സംസ്ഥാനമൊട്ടാകെ ഈ ആവശ്യമുന്നയിച്ച് 30 ഹർജികൾ നല്കിയിട്ടുണ്ട്. മേവാനിക്കും ഭീം സേനാ സ്ഥാപകൻ ചന്ദ്രശേഖറിനുമെതിരായ കേസുകൾ പിൻവലിക്കണമെന്നും സംഘടനകൾ ആവശ്യപ്പെട്ടു. ചന്ദ്രശേഖർ ദേശ രക്ഷാ നിയമപ്രകാരം ഉത്തർപ്രദേശിൽ ജയിലിലാണ്.