ചെന്നൈ: ഐഎന്എക്സ് മീഡിയ പണമിടപാട് കേസില് മുന് കേന്ദ്രമന്ത്രി പി.ചിദംബരത്തിന്റെ മകന് കാര്ത്തി ചിദംബരം അറസ്റ്റില്. ചെന്നൈ വിമാനത്താവളത്തില് വച്ച് സിബിഐ ആണ് കാര്ത്തിയെ അറസ്റ്റു ചെയ്തത്.
#FLASH Karti Chidambaram taken into custody by CBI at Chennai Airport over INX media case. pic.twitter.com/91WjX5fQ80
— ANI (@ANI) February 28, 2018
2007ല് പി.ചിന്ദംബരം കേന്ദ്ര ധനമന്ത്രിയായിരിക്കെ ധനമന്ത്രാലയത്തില് സ്വാധീനം ചെലുത്തി വിദേശ ഇന്വെസ്റ്റ്മെന്റ് പ്രമോഷന് ബോര്ഡ് വ്യവസ്ഥകള് ലംഘിച്ച് മൗറീഷ്യസില് നിന്നും ഇന്ത്യയിലെ ഐ.എന്എക്സ് മീഡിയയ്ക്ക് നിക്ഷേപം ലഭിക്കുന്നതിനുള്ള അനുമതി വാങ്ങിയെന്നാണ് കേസ്.
ഇതിന് കാര്ത്തി ചിന്ദംബരം പ്രതിഫലം വാങ്ങിയെന്നും സിബിഐ കണ്ടെത്തിയിരുന്നു. ആദായ നികുതി വകുപ്പിന്റെ പരിശോധനയും കാര്ത്തി ചിന്ദംബരം ഒഴിവാക്കി നല്കിയെന്നും സിബിഐ ആരോപിക്കുന്നു.
ഇതേ കേസില് കാര്ത്തി ചിന്ദംബരത്തിന്റെ ചാര്ട്ടേണ്ട് അക്കൗണ്ട് ഭാസ്ക്കര രാമനെ ദില്ലിയിലെ പഞ്ചനക്ഷത്ര ഹോട്ടലില് വച്ച് അറസ്റ്റ് ചെയ്തിരുന്നു.
ഇതിന് പിന്നാലെയാണ് കാര്ത്തിയെ അറസ്റ്റ് ചെയ്തത്. കള്ളപണനിരോഘന നിയമം, വിദേശനാണ്യവിനിമയ ചട്ടങ്ങള് പ്രകാരമാണ് അറസ്റ്റെന്ന് സിബിഐ സ്ഥിതീകരിച്ചു.
ലണ്ടനിലുള്ള കാര്ത്തി ചിന്ദംബരം പുലര്ച്ചെ ചെന്നൈയില് വിമാനം ഇറങ്ങിയതോടെയാണ് അറസ്റ്റ് ഉണ്ടായത്. ഇയാളെ ചെന്നൈ പ്രത്യേക കോടതിയില് ഹാജരാക്കും.
തുടര്ന്ന് കേസ് നിലവിലുള്ള ദില്ലി പട്യാല കോടതിയില് ഹാജരാക്കാന് അനുമതി നേടും.അതേ സമയം അറസ്റ്റ് രാഷ്ട്രിയ വേട്ടയാടലലെന്ന് കോണ്ഗ്രസ് ആരോപിച്ചു.
കേന്ദ്ര സര്ക്കാരിനെതിരെ ദിനംപ്രതി പുറത്ത് വരുന്ന അഴിമതി ആരോപണങ്ങളില് നിന്നും രക്ഷപ്പെടാനാണ് അറസ്റ്റെന്നും കോണ്ഗ്രസ് കുറ്റപ്പെടുത്തി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here