കൊച്ചി: നടി ആക്രമിക്കപ്പെട്ട കേസുമായി ബന്ധപ്പെട്ട് ദൃശ്യങ്ങള് ഒഴികെയുള്ള മറ്റ് രേഖകള് പ്രതികള്ക്ക് നല്കാമെന്ന് എറണാകുളം പ്രിന്സിപ്പല് സെഷന്സ് കോടതി ഉത്തരവ്.
ദൃശ്യങ്ങള് വേണമെന്ന ആവശ്യം ഹൈക്കോടതിയുടെ പരിഗണനയിലാണെന്നും അക്കാര്യത്തില് ഹൈക്കോടതി തീരുമാനമെടുക്കട്ടെയെന്നും പ്രിന്സിപ്പല് സെഷന്സ് കോടതി വ്യക്തമാക്കി. നടിയുടെ മെഡിക്കല് പരിശോധനാ ഫലം ഉള്പ്പെടെയുള്ള രേഖകള് കൈമാറാമെന്നും കോടതി വ്യക്തമാക്കി.
അതേസമയം, വിശദമായ വാദം കേള്ക്കാനായി കേസ് ഈ മാസം 28ലേക്ക് മാറ്റി.
കേസില് വിവിധ ആവശ്യങ്ങള് ഉന്നയിച്ച് നടിയുടെ അഭിഭാഷകനും കോടതിയില് ഹര്ജി നല്കിയിട്ടുണ്ട്.
കേസിന്റെ വിചാരണയ്ക്ക് വേണ്ടി പ്രത്യേക കോടതി വേണം. കേസില് രഹസ്യ വിചാരണ അനുവദിക്കണം. വനിതാ ജഡ്ജിയുടെ മേല്നോട്ടത്തില് വിചാരണ നടത്തണം തുടങ്ങിയവയാണ് നടിയുടെ ഹര്ജിയിലെ ആവശ്യങ്ങള്.
കേസിലെ എട്ടാം പ്രതിയായ ദിലീപിനെതിരേ ഗൂഢാലോചന, കൂട്ടമാനഭംഗം, തട്ടിക്കൊണ്ടുപോകല്, തെളിവ് നശിപ്പിക്കല്, ഭീഷണിപ്പെടുത്തല് തുടങ്ങീ ജീവപര്യന്തം വരെ ശിക്ഷ ലഭിക്കാവുന്ന പത്തോളം വകുപ്പുകളാണ് ചുമത്തിയിരിക്കുന്നത്.
തന്റെ ദാമ്പത്യം തകരുന്നതിന് കാരണക്കാരിയായി കരുതുന്ന നടിയോടുളള പകയാണ് ദിലീപിനെ കുറ്റകൃത്യത്തിന് പ്രരിപ്പിച്ചതെന്നും കുറ്റകൃത്യത്തില് പറയുന്നു. മഞ്ജുവാര്യര് ഉള്പ്പെടെ 355 പേരെ സാക്ഷികളായും ഉള്പ്പെടുത്തിയിട്ടുണ്ട്. ദിലീപിനെതിരെ ഗൂഢാലോചന ഉള്പ്പെടെ തെളിയിക്കുക എന്നതാണ് അന്വേഷണ സംഘം നേരിടുന്ന വെല്ലുവിളി.
ദിലീപിനെതിരെ ശക്തമായ തെളിവുകള് ഉണ്ടെന്നാണ് അന്വേഷണ സംഘത്തിന്റെ അവകാശവാദം. ഈ തെളിവുകളും സാക്ഷിമൊ!ഴികളും കോടതിയില് എത്തുമ്പോള് വലിയ വാദപ്രതിവാദങ്ങളാകും വിചാരണക്കോടതിയില് നടക്കുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here