അത്യാവശ്യ സമയങ്ങളില് വേണ്ട കാര്യങ്ങള് ഓര്മ്മ വരാത്തത് മനുഷ്യരുടെ സ്ഥിരം സ്വഭാവമാണ്. അങ്ങനെയുള്ളവര്ക്കായി ഒരു സന്തോഷവാര്ത്ത. ഇനി പാസ്വേര്ഡുകള് ഓര്മ്മിച്ചു വെച്ച് തല പുകക്കണ്ട ആവശ്യമില്ല. പാസ്വേര്ഡുകള്ക്ക് പകരമായി ‘വെബ് ഓതന്റിഫിക്കേഷന് സ്റ്റാന്റേര്ഡ്’ (WAS) എന്ന പുതിയ രീതി രംഗത്തു വരാന് പോകുന്നു.
ഇത്തരത്തിലുള്ള സംവിധാനം മറ്റേതൊരു സംവിധാനത്തെക്കാളും സുരക്ഷിതമാണ് എന്നാണ് പറയപ്പെടുന്നത്.ഇനി ഒന്നിലധികം പാസ്വേര്ഡുകള് ഓര്ത്തുവെക്കുന്നതിനു പകരം സ്വന്തം ശരീര ഭാഗങ്ങള് അല്ലെങ്കില് സ്വന്തമായുള്ള ഉപകരണങ്ങള് തുടങ്ങിയവ ഉപയോഗിച്ച് ബ്ലൂടൂത്ത്, യുഎസ്ബി, എന്എഫ്സി എന്നിവയുപയോഗിച്ചോ ആളുകള്ക്ക് ലോഗിന് ചെയ്യാന് പറ്റുന്നതാണ് പുതിയ സംവിധാനം.
ഒരു വെബ്സൈറ്റില് ലോഗിന് ചെയ്യാന് നാം യൂസര്നെയിം നല്കുമ്പോള് നമ്മുടെ ഫോണില് ലഭിക്കുന്ന ഓതന്റിഫിക്കേഷന് ടോക്കണ് തുറക്കുന്നതിലൂടെ വെബ്സൈറ്റ് ലോഗിന് ആകുന്നു. ഓരോ തവണ വെബ്സൈറ്റ് ലോഗിന് ചെയ്യുമ്പോഴും നമ്മുടെ ഓതന്റിഫിക്കേഷന് ടോക്കണ് മാറുന്നു. നിലവില് ഗൂഗിള്, മൈക്രോസോഫ്റ്റ്, മോസില്ല തുടങ്ങിയ സ്ഥാപനങ്ങളില് ഈ സംവിധാനം ലഭ്യമാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here