അലിയന്‍സ് അരീനയില്‍ ബയേണിന്‍റെ നെഞ്ചുപിളര്‍ത്തി ക്രിസ്റ്റ്യാനോയും സംഘവും; ആദ്യപാദ സെമിയില്‍ റയലിന് ഗംഭീരവിജയം

മ്യൂ​ണി​ക്: നടപ്പ് സീസണില്‍ അലിയന്‍സ് അരീനയില്‍ ആരോടും തോറ്റിട്ടില്ലെന്ന ബയേണിന്‍റെ വമ്പൊന്നും റയലിന് മുന്നില്‍ വിലപ്പോയില്ല. ആവേശപോരാട്ടത്തില്‍ ബയേണിന്‍റെ സ്വന്തം തട്ടകത്തില്‍ ഒന്നിനെതിരെ രണ്ട് ഗോളുകളുടെ ജയം പിടിച്ചെടുത്ത് റയല്‍മാഡ്രിഡ് ചാമ്പ്യന്‍സ് ലീഗി കിരീടത്തിലേക്ക് ഒരു പടി കൂടി അടുത്തു.

44-ാം മി​നി​റ്റി​ൽ മാ​ഴ്സെ​ലോയും  56-ാം മി​നി​റ്റി​ൽ അ​സ​ൻ​സി​യോയുമാണ്ബ​യ​ണി​ന്‍റെ നെ​ഞ്ച് പി​ള​ർ​ത്തിയ ഗോളുകള്‍ നേടിയത്.  ഒ​രു ഗോ​ളി​ന് പി​ന്നി​ൽ നി​ന്ന ശേ​ഷ​മാ​ണ് റ​യ​ലി​ന്‍റെ മിന്നും വി​ജ​യം.

അ​ല​യ​ന്‍​സ് അ​രീ​ന​യി​ല്‍ ബ​യ​ൺ മ്യൂ​ണി​ക്ക് രാജകീയമായാണ് തുടങ്ങിയത്. 27-ാം മി​നി​റ്റി​ൽ ജോ​ഷ്വ കി​മ്മി​ച്ചി​ലൂ​ടെ ലീ​​ഡ് നേടിയതോടെ ബയേണിന്‍റെ അട്ടഹാസമായിരുന്നു.  ഹാ​മ​സ് റോ​ഡ്രി​ഗ​സി​റ്റെ പാ​സി​ൽ നി​ന്നാ​യി​രു​ന്നു കി​മ്മി​ച്ചി​ന്‍റെ ഗോ​ൾ.

എന്നാല്‍ റയലിന്‍റെ കളി കമ്പനി കാണാനിരിക്കുകയായിരുന്നു. സിദാന്‍റെ തന്ത്രങ്ങള്‍ക്കനുസരിച്ച് താരങ്ങള്‍ മുന്നേറിയതോടെ ബയേണിന്‍റെ പ്രതിരോധക്കോട്ട തകര്‍ന്ന് വീണു. ചാ​മ്പ്യ​ൻ​സ് ലീ​ഗി​ൽ തു​ട​ർ​ച്ച​യാ​യ ആ​റാം ത​വ​ണ​യാ​ണ് ബ​യ​ൺ മ്യൂ​ണി​ക്കി​നെ റ​യ​ൽ കീ​ഴ‌​ട​ക്കു​ന്ന​ത്.

റ​യ​ൽ മാ​ഡ്രി​ഡി​ന്‍റെ 150-ാം ചാ​മ്പ്യ​ൻ​സ് ലീ​ഗ് വി​ജ​യ​മെ​ന്ന പ്ര​ത്യേ​ക​ത​യു​മു​ണ്ട്. ഈ ​നേ​ട്ടം സ്വ​ന്ത​മാ​ക്കു​ന്ന ആ​ദ്യ ക്ല​ബാ​ണ് റ​യ​ൽ മാ​ഡ്രി​ഡ്. മെ​യ് അ​ഞ്ചി​ന് റ​യ​ലി​ന്‍റെ ഗ്രൗ​ണ്ടാ​യ സാ​ന്‍റി​യാ​ഗൊ ബെ​ര്‍​ണാ​ബ്യു​വി​ലാ​ണ് ര​ണ്ടാം പാ​ദ സെ​മി ഫൈ​ന​ൽ.

വീഡിയോ കാണാം

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here