എൻ വി കൃഷ്ണവാര്യർ പുരസ്കാരം പ്രഭാവർമയ്ക്ക്

സമസ്ത കേരള വാര്യർ സമാജം എൻ വി കൃഷ്ണവാര്യർ പുരസ്കാരം കവിയും മാധ്യമ പ്രവർത്തകനുമായ പ്രഭാവർമയ്ക്ക്.

‘ശ്യാമമാധവം’ എന്ന കവിതയിലൂടെ യഥാർഥ കവിതയുടെ ശക്തിസൗന്ദര്യം പ്രകടമാക്കിയതിനും എഴുത്തച്ഛൻ, വൈലോപ്പിള്ളി, അക്കിത്തം, എൻ വി കൃഷ്ണവാര്യർ, ഒ എൻ വി എന്നിവർ പകർന്നുനൽകിയ കാവ്യപാരമ്പര്യത്തിന്റെ സമകാലികമുഖം എന്ന നിലയിലുമാണ് പ്രഭാവർമയ്ക്ക് പുരസ്കാരം നൽകുന്നതെന്ന‌് വിധികർത്താക്കൾ പറഞ്ഞു.

10,001 രൂപയും പ്രശസ്തി പത്രവും ഉപഹാരവുമാണ് പുരസ്കാരം. 26ന് സമാജത്തിന്റെ 40‐ാം സംസ്ഥാന സമ്മേളനത്തിൽ പുരസ്കാരം സമ്മാനിക്കുമെന്ന് ജനറൽ സെക്രട്ടറി പി വി മുരളീധരൻ പറഞ്ഞു.