പനിമരണത്തിന് കാരണം നിപ്പാ വൈറസ് തന്നെ; മരണം ഇതുവരെ അഞ്ചായി

കോ‍ഴിക്കോട് പനിമരണത്തിന് കാരണം നിപ്പാ വൈറസ് തന്നെയെന്ന് സ്ഥിരീകരണം. മരിച്ച മൂന്ന് പേരുടെ ശരീരത്തിലും നിപ്പാവൈറസ് സ്ഥിരീകരിച്ചു.

പേരാമ്പ്രയിൽ ഒരു കുടുംബത്തിലെ 3 പേരുടെ മരണത്തിനിടയാക്കിയത് വവ്വാൽപ്പനിയെന്ന് വിളിക്കുന്ന നിപ്പാവൈറസ് തന്നെയെന്ന് കണ്ടെത്തി.

1998ൽ മലേഷ്യയിലെ കാംപുങ് സുംഗായ് നിപ്പാ മേഖലയിൽ പടർന്നു പിടിച്ച മാരക മസ്തിഷ്ക ജ്വരത്തിനു കാരണമായ വൈറസ്. പഴങ്ങൾ ഭക്ഷിക്കുന്ന വാവലുകളിൽ നിന്നാണ് മനുഷ്യരിലേക്കും മറ്റു മൃഗങ്ങളിലേക്കും ഇതു കടക്കുന്നത്. മലേഷ്യയിൽ പന്നിവളർത്തു കേന്ദ്രങ്ങളിൽ അവയുമായി ഇടപഴകിയവർക്കാണ് ഏറെയും രോഗ ബാധയുണ്ടായത്.

വാവലുകളുടെ സ്പർശമേറ്റ പഴങ്ങളിൽ നിന്നും മറ്റും നേരിട്ടും മനുഷ്യരിലേക്കു കടക്കാം.രോഗം ബാധിച്ച മനുഷ്യരിൽനിന്ന് മറ്റുള്ളവരിലേക്കും പകരും. വാക്സിൻ കണ്ടെത്തിയിട്ടില്ല. ശ്വാസതടസ്സം, കടുത്ത തലവേദന, പനി എന്നിവയോടെ തുടങ്ങി മസ്തിഷ്കജ്വരത്തിലെത്തുന്നതാണ് ലക്ഷണങ്ങൾ.

എന്നാൽ പേരാമ്പ്രയിൽ കണ്ടെത്തിയത് ഈ പനിയാണെന്ന കാര്യത്തിൽ ഇതുവരെ സ്ഥിരീകരണമായിട്ടില്ല. അതു കൊണ്ട് ആളുകളിൽ അനാവശ്യ ആശങ്ക പടർത്തരുതെന്നാണ് ആരോഗ്യവകുപ്പ് അധികൃതർ പറയുന്നത്