ചില സ്മാര്‍ട്ട് ഫോണുകളില്‍ നിന്ന് വാട്സ് ആപ്പ് അദൃശ്യമാകുന്നു. ആന്‍ഡ്രോയിഡ്, ഐഓഎസ്, ബ്ലാക്ക്‌ബെറി, വിന്‍ഡോസ് ഒപ്പറേറ്റിങ് സിസ്റ്റങ്ങളുടെ പഴയ പതിപ്പുകളില്‍ പ്രവര്‍ത്തിക്കുന്ന ഫോണുകളില്‍ നിന്നാണ് വാട്സ്ആപ്പ് സേവനം നിര്‍ത്തലാക്കുന്നത്.
വിന്‍ഡോസ് ഫോണ്‍ 8.0 യേക്കാള്‍ പഴയ ഫോണുകളില്‍, ഐഫോണ്‍ 3ജിഎസ്/ ഐഓഎസ് 6, നോക്കിയ സിംബിയന്‍ എസ്60, ബ്ലാക്ക് ബെറി എസും ബ്ലാക്ക്‌ബെറി 10 ഉം, ആന്‍ഡ്രോയിഡ് 2.3.3 യേക്കാള്‍ പഴയ പതിപ്പുകളില്‍ നിന്നും വാട്‌സആപ്പ് സേവനം നിര്‍ത്തലാക്കിയിട്ടുണ്ട്.
ആന്‍ഡ്രോയിഡ് ഓഎസ് 4.0 യ്ക്ക് മുകളിലുള്ളവ, ഐഓഎസ് 8 ന് മുകളില്‍ പ്രവര്‍ത്തിക്കുന്ന ഐഫോണുകള്‍, വിന്‍ഡോസ് ഫോണ്‍ 8.1 ന് മുകളിലുള്ളവ തുടങ്ങിയവയാണ് വാട്സ്ആപ്പ് നിര്‍ദ്ദേശിക്കുന്ന പുതിയ ഓപ്പറേറ്റിങ് സിസ്റ്റങ്ങള്‍.
നോക്കിയ എസ്40, ആന്‍ഡ്രോയിഡ് 2.3.7 ഉം അതിന് മുമ്പുള്ള പതിപ്പുകള്‍, ഐഓഎല് 7ഉം അതിന് മുമ്പുള്ള പതിപ്പുകള്‍ എന്നിവയില്‍ നിന്ന് ഈ വര്‍ഷം മുതല്‍ വാട്‌സആപ്പ് നിശ്ചലമാവാന്‍ പോകുന്നുവെന്നാണ് റിപ്പോര്‍ട്ടുകള്‍.
പഴയ ഫോണുകള്‍ ഉപയോഗിക്കുന്ന ഉപയോക്താക്കള്‍ക്ക് ഇത് തിരിച്ചടിയായിരിക്കും. ചില ഫോണുകളില്‍ ഇതിനോടകം വാട്‌സ്ആപ്പിന്റെ പ്രവര്‍ത്തനം നിലച്ചിട്ടുണ്ടെന്നാണ് റിപ്പോര്‍ട്ടുകള്‍.
കൈരളി ന്യൂസ് വാട്സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
