ലണ്ടന്: അമേരിക്കന് പ്രസിഡന്റ് ഡൊണാള്ഡ് ട്രംപിന്റെ യുകെ സന്ദര്ശനത്തിനെതിരെ വ്യാപക പ്രതിഷേധം തുടരുന്നു.
ലണ്ടന്, കേംബ്രിഡ്ജ്, ബ്രിസ്റ്റോള്, ന്യൂകാസില് തുടങ്ങിയ സ്ഥലങ്ങളിലെ തെരുവുകളെല്ലാം പ്രക്ഷോഭകാരികളെ കൊണ്ട് നിറഞ്ഞിരിക്കുകയാണ്.
ട്രംപ് രാത്രി തങ്ങുന്ന സ്ഥലത്തിനു സമീപം പ്രതിഷേധമുണ്ടാകുമെന്നതിനാല് ശക്തമായ സുരക്ഷാ സംവിധാനങ്ങളാണ് ഏര്പ്പെടുത്തിയിരിക്കുന്നത്.
പ്രസിഡന്റ് ആയതിനുശേഷം ആദ്യമായാണ് ട്രംപ് യുകെയിലെത്തുന്നത്. പ്രതിഷേധം ഭയന്ന് പല തവണ മാറ്റിവെച്ചതിനു ശേഷമാണ് ട്രംപ് നാലുദിവസത്തെ യുകെ സന്ദര്ശനത്തിന് എത്തിയത്.
ട്രംപിനെതിരെ ചരിത്രത്തിലെ തന്നെ ശക്തമായ പ്രതിഷേധങ്ങളിലൊന്നാണ് ബ്രിട്ടീഷ് തെരുവുകളില് നടക്കുന്നതെന്നാണ് റിപ്പോര്ട്ടുകള്.
തെരഞ്ഞെടുപ്പില് ട്രംപ് വിജയിച്ചപ്പോഴും ബ്രിട്ടനില് വന് പ്രതിഷേധങ്ങള് നടന്നിരുന്നു.
ട്രംപിന്റെ സീറോ ടോളറന്സ് നയവും മെക്സിക്കന് അതിര്ത്തിയില് കുട്ടികളെ തടവിലാക്കിയതും ചില രാജ്യങ്ങളില് നിന്നുള്ളവര്ക്ക് സഞ്ചാര വിലക്ക് ഏര്പ്പെടുത്തിയതുമെല്ലാം പ്രതിഷേധത്തിന് കാരണമായി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here