സിപിഐഎം അടക്കമുള്ള അഞ്ച് ഇടതുപക്ഷ പാര്ട്ടികള് ചേര്ന്നാണ് രാജ്യമൊട്ടാകെ പ്രക്ഷോഭം സംഘടിപ്പിക്കുന്നത്. പശ്ചിമബംഗാളിലും ത്രിപുരയിലും നടക്കുന്ന ജനാധിപത്യ കശാപ്പിനെതിരെയാണ് പ്രക്ഷോഭം. ദില്ലിയിലെ പാര്ലമെന്റ് സ്ട്രീറ്റിലേക്കു നടക്കുന്ന പ്രക്ഷോഭത്തില് കേരളാ മുഖ്യമന്ത്രി പിണറായി വിജയനും ത്രിപുര മുന് മുഖ്യമന്ത്രി മണിക് സര്ക്കാറും പങ്കെടുക്കും.
ത്രിപുരയിലും, പശ്ചിമബംഗാളിലും ഇടത് മുന്നണി പ്രവര്ത്തകര്ക്കെതിരായ അതിക്രമങ്ങളിലും ജനാധിപത്യകശാപ്പിലും പ്രതിഷേധിച്ച് ഇടത്പക്ഷ ജനാധിപത്യ മുന്നണി ഇന്ന് സംസ്ഥാന വ്യാപകമായി പ്രതിഷേധ യോഗങ്ങള് സംഘടിപ്പിക്കും.
തിരുവനന്തപുരത്ത് ഗാന്ധിപാര്ക്കില് ചേരുന്ന പ്രതിഷേധ യോഗം സിപിഐഎം സംസ്ഥാന സെക്രട്ടറി കോടിയേരി ബാലകൃഷ്ണന് ഉത്ഘാടനം ചെയ്യും.
ജില്ലാ കേന്ദ്രങ്ങളില് നടക്കുന്ന സായാഹ്ന യോഗങ്ങളില് ഇടത് മുന്നണി നേതാക്കള് പങ്കെടുക്കും തൃശൂരില് പന്ന്യന് രവീന്ദ്രനും, എറണാകുളത്ത് ഇടത് മുന്നണി കണ്വീനര് എ. വിജയരാഘവനും യോഗം ഉത്ഘാടനം ചെയ്യും
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here