മലയാളികള്ക്ക് മസ്ക്കറ്റ് പൊലീസിന്റെ ആദരം. മോഷണശ്രമം തടഞ്ഞ് മോഷ്ടാക്കളെ സാഹസികമായി പിടികൂടിയ മലയാളികളായ പ്രവാസികള്ക്ക് റോയൽ ഒമാൻ പൊലീസിന്റെ ആദരം. മക്ക ഹൈപ്പർമാർക്കറ്റിലെ ജീവനക്കാരായ മലയാളികളെയാണ് പൊലീസ് ആദരിച്ചത്.
കണ്ണൂർ സ്വദേശി റയീസ്, കണ്ണൂർ തില്ലങ്കേരി സ്വദേശി നൗഷാദ്, കോഴിക്കോട് വടകര സ്വദേശി രാജേഷ് എന്നിവരെയാണ് ആദരിച്ചത്. മോഷണത്തിനെത്തിയവരില് ഒരാളെ പിടികൂടുകയും, മറ്റുള്ളവരെ പിടികൂടാന് സഹായിക്കുകയും ചെയ്തത്, ഇവരായിരുന്നു.കുറ്റകൃത്യം തടയുന്നതിന് പങ്കുവഹിച്ചതിനാണ് ഇവരെ ആദരിച്ചതെന്ന് റോയൽ ഒമാൻ പൊലീസ് ട്വിറ്ററിൽ അറിയിച്ചു.
കഴിഞ്ഞ ശനിയാഴ്ചയാണ്, ഹൈപ്പർമാർക്കറ്റില് മോഷണശ്രമം നടന്നത്. പ്രധാന വാതിലിന്റെ പൂട്ട് തുറന്ന് അകത്ത് കടന്ന മോഷ്ടാക്കള് അകത്തു കടക്കുകയായിരുന്നു. പിറ്റേദിവസത്തേക്ക് സാധനങ്ങൾ ഒരുക്കിവെക്കുന്ന ഡ്യൂട്ടിയായിരുന്ന റയീസ്, നൗഷാദ്, രാജേഷ് എന്നിവര്.
ഇവരെ കണ്ടതോടെ മോഷ്ടാക്കള് മുൻവശത്തെ വാതിലീലൂടെ ചില്ല് പൊട്ടിച്ച് ചാടിയോടി. പിന്തുടര്ന്നോടി പ്രതികളിൽ പിടികൂടുകയായിരുന്നു. വിവരമറിയിച്ചതിനെ തുടർന്ന് പൊലീസ് എത്തി പ്രതികളെ അറസ്റ്റ് ചെയ്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here