പൃഥ്വിരാജ് നായകനാവുന്ന “നയണ്‍” സിനിമയുടെ റിലീസ് തിയതി പ്രഖ്യാപിച്ചു. 100 ഡേയ്‌സ് ഓഫ് ലവ് എന്ന ചിത്രത്തിനു ശേഷം സംവിധായകന്‍ കമലിന്റെ മകന്‍ ജെനൂസ് മുഹമ്മദ് സംവിധാനം ചെയ്യുന്ന ചിത്രം നവംബർ 16നു പ്രദർശനത്തിനെത്തുമെന്ന് പൃഥ്വിരാജ് ഫേസ്ബുക്കിൽ അറിയിച്ചു. പൃഥ്വിരാജിന്റെ സ്വതന്ത്ര നിര്‍മ്മാണ കമ്പനിയായ പൃഥ്വിരാജ് പ്രൊഡക്ഷന്‍സ് നിര്‍മ്മിക്കുന്ന ആദ്യ ചിത്രം കൂടിയാണിത്.
സോണി പിക്‌ചേഴ്‌സുമായി ചേര്‍ന്നാണ് പൃഥ്വിയും ഭാര്യ സുപ്രിയയും ഈ ചിത്രം നിര്‍മ്മിക്കുന്നത്. സയന്‍സ് ഫിക്ഷന്‍ ത്രില്ലര്‍ വിഭാഗത്തില്‍പ്പെടുന്നൊരു ചിത്രമായാണ് നയണ്‍.
ബേസില്‍ ജോസ്ഫ് സംവിധാനം ചെയ്ത ഗോദയില്‍ ടൊവിനോയുടെ നായികയായ വാമിഖ ഗബ്ബിയാണ് നയണില്‍ നായികയാവുന്നത്. വാമിഖയെ കൂടാതെ മംമ്ത മോഹൻദാസും ചിത്രത്തിന്റെ ഭാഗമാകുന്നു. പ്രകാശ് രാജാണ് വില്ലൻ വേഷത്തിലെത്തുന്നത്. അഭിനന്ദ് രാമാനുജം ഛായാഗ്രഹണം നിര്‍വഹിക്കുന്ന ചിത്രത്തിന് സംഗീതം ഒരുക്കുന്നത് ഷാന്‍ റഹ്മാന്‍ ആണ്.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
