സംസ്ഥാനത്ത് അവസാനമായി മദ്യഫാക്ടറിക്ക് ലൈസെന്‍സ് നല്‍കിയത് 2003 ല്‍ AK ആന്‍റണി മുഖ്യമന്ത്രിയായിരിക്കെ . മലബാര്‍ ബ്യൂവറീസ് എന്ന മദ്യ കമ്പനിക്കാണ് ലൈസെന്‍സ് നല്‍കിയത്. 1999 ന് ശേഷം ഒരു മദ്യകമ്പനിക്കും പ്രവര്‍ത്തനാനുമതി നല്‍കിയെട്ടില്ലെന്നായിരുന്നു പ്രതിപക്ഷ നേതാവ് ഉന്നയിച്ച ആരോപണം. ആന്‍റണി സര്‍ക്കാര്‍ മലബാര്‍ ബ്യൂവറീസിന് ലൈസൈന്‍സ് നല്‍കിയതിന്‍റെ രേഖകള്‍ പീപ്പിളിന് ലഭിച്ചു.
1999 ന് ശേഷം സംസ്ഥാനത്ത് ഒരു മദ്യ കമ്പനിക്കും അനുമതി നല്‍കിയിട്ടെന്ന പ്രതിപക്ഷ നേതാവ് രമേശ് ചെന്നിത്തലയുടെ വാദങ്ങള്‍ക്ക് കനത്ത പ്രഹരമേല്‍പ്പിക്കുന്ന തെളിവുകളാണ് പുറത്താവുന്നത്. 2003 ലെ എ കെ ആന്‍റണി സര്‍ക്കാരിന്‍റെ കാലത്താണ് സംസ്ഥാനത്ത് അവസാനമായി ഒരു മദ്യ ഫാക്ടറി തുടങ്ങാനായി ലൈസെന്‍സ് ലഭിക്കുന്നത് .
കല്‍ക്കട്ട ആസ്ഥാനമായി പ്രവര്‍ത്തിക്കുന്ന ഷൈ വാല്ലസ് എന്ന മദ്യ കമ്പനി തൃശൂരില്‍ ആരംഭിച്ച മലബാര്‍ ബ്യൂവറീസ് ലിമിറ്റഡ് എന്ന കമ്പനിക്കാണ് അന്നത്തെ യുഡിഎഫ് സര്‍ക്കാര്‍ ലൈസെന്‍സ് നല്‍കിയത് . അന്നത്തെ എറണാകുളം എക്സൈസ് ഡെപ്യൂട്ടി കമ്മീഷണര്‍ നല്‍കിയ ശുപാര്‍ശയുടെ അടിസ്ഥാനത്തിലായിരുന്നു ആന്‍റണി മന്ത്രിസഭയുടെ തീരുമാനം.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
