അജ്ഞതയ്ക്കെതിരേ കവി; ദേവിയുടെ ആദ്യാർത്തവരക്തത്തുള്ളി വീണ നീലവസ്ത്രത്തെ നമിച്ചിട്ടുണ്ട് ശങ്കരാചാര്യരെന്ന് ചുള്ളിക്കാട്

ശുദ്ധി – അശുദ്ധ ഭേദം അദ്വൈതവിരുദ്ധമാണെന്നും ചുള്ളിക്കാട് പറയുന്നു. ശബരിമല വിധി അക്രമത്തിനു വിഷയമാകുന്ന പശ്ചാത്തലത്തിൽ വാട്സാപ്പിലൂടെയാണ് കവിയുടെ പ്രതികരണം.

കവിയുടെ വാക്കുകൾ ഇങ്ങനെ:

“അയ്യപ്പന്റെ തത്വം അദ്വൈതമാണെന്നത്രേ ഹിന്ദുവിശ്വാസം. ഭേദബുദ്ധി ദ്വൈതവും അദ്വൈതവിരുദ്ധവുമാണ്. അതായത് ശുദ്ധി-അശുദ്ധി ഭേദം അദ്വൈതവിരുദ്ധമാണ്.

അതുകൊണ്ടാണ് അദ്വൈതിയായ ശങ്കരാചാര്യർ ‘ദേവിയുടെ ആദ്യ ആർത്തവത്തിന്‍റെ രക്തത്തുള്ളി വീണ നീലവസ്ത്രത്തെയും ഞാൻ സ്മരിക്കുന്നു’ എന്ന് സ്തുതിച്ചത്.
(ത്രിപുരസുന്ദരീസ്തോത്രം).
– ബാലചന്ദ്രൻ ചുള്ളിക്കാട്”

ശങ്കരാചാര്യരുടെ ‘സ്മരേത് പ്രഥമപുഷ്പിണീം രുധിരബിന്ദുനീലാംബരാം’ എന്ന വരിയാണ് കവി അനുസ്മരിച്ചത്.
നടി മാലാ പാർവ്വതിയാണ് ചുള്ളിക്കാടിന്റെ പ്രതികരണം ഫെയ്സ് ബുക്കിൽ പോസ്റ്റ് ചെയ്തത്.