ഇംഗ്ലീഷ് പ്രീമിയര്‍ ലീഗ്; ലിവര്‍പൂളിനും സതാംപ്ടണിനും വിജയം – Kairalinewsonline.com
Featured

ഇംഗ്ലീഷ് പ്രീമിയര്‍ ലീഗ്; ലിവര്‍പൂളിനും സതാംപ്ടണിനും വിജയം

മാഞ്ചസ്റ്റര്‍ യുണൈറ്റഡ് – ആഴ്‌സണല്‍ മത്സരം സമനിലയിലായി.

ഇംഗ്ലീഷ് പ്രീമിയര്‍ ലീഗില്‍ ലിവര്‍പൂളിനും സതാംപ്ടണിനും വിജയം. ചെല്‍സി അപ്രതീക്ഷിത തോല്‍വിയും ഏറ്റുവാങ്ങി. ദുര്‍ബലരായ വോള്‍വ്‌സിനോട് ഒന്നിനെതിരെ രണ്ട് ഗോളുകള്‍ക്കാണ് ചെല്‍സി തോറ്റത്. അതേസമയം മാഞ്ചസ്റ്റര്‍ യുണൈറ്റഡ് – ആഴ്‌സണല്‍ മത്സരം സമനിലയിലായി.

ദുര്‍ബലരായ ബേണ്‍ലിക്കെതിരെ ഒന്നിനെതിരെ 3 ഗോളുകള്‍ക്കാണ് ആധികാരിക ജയം സ്വന്തമാക്കി ലിവര്‍പൂള്‍ നില ഭദ്രമാക്കിയത്. പോയന്റ് പട്ടികയില്‍ മാഞ്ചസ്റ്റര്‍ സിറ്റിക്ക് പിന്നില്‍ രണ്ടാമതാണ് ടീം. മറ്റൊരു മത്സരത്തില്‍ സതാംപ്ടണെ ടോട്ടന്‍ ഹാം പരാജയപ്പെടുത്തി. 3 ഗോളുകള്‍ നിറച്ചായിരുന്നു ടോട്ടന്‍ഹാമിന്റെ ജയം. സതാംപ്ടണിനെ ഒരു ഗോള്‍ മാത്രമാണ് തിരിച്ചടിക്കാന്‍ സാധിച്ചത്. മറ്റൊരു മത്സരത്തില്‍

അവസാന ആറു പ്രീമിയര്‍ ലീഗ് മത്സരങ്ങളില്‍ വെറും ഒരു പോയന്റ് മാത്രമുള്ള വോള്‍വ്‌സിനോട് ചെല്‍സി അപ്രതീക്ഷിത തോല്‍വി ഏറ്റുവാങ്ങി. പതിനെട്ടാം മിനുട്ടില്‍ ലോഫ്റ്റസ് ചീകിന്റെ ഗോളിലൂടെ ചെല്‍സിയാണ് ആദ്യം മത്സരത്തില്‍ മുന്നിലെത്തിയത്. എന്നാല്‍ രണ്ടാം പകുതിയില്‍ 4 മിനുട്ടിനിടെ പിറന്ന രണ്ട് ഗോളുകള്‍ ചെല്‍സിയെ തകര്‍ത്തു.

നിലവില്‍ പോയന്റ് പട്ടികയില്‍ നാലാമതാണ് ചെല്‍സി. വോള്‍വ്‌സ് 12ാമതും ആണ്. പ്രതിരോധത്തില്‍ ഏറെ അബദ്ധങ്ങള്‍ പിണഞ്ഞ മാഞ്ചസ്റ്റര്‍ യുണൈറ്റഡ് ആഴ്‌സണല്‍ മത്സരം സമനിലയില്‍ കലാശിക്കുകയായിരുന്നു. ഇരു ടീമുകളും രണ്ട് ഗോളുകള്‍ വീതം അടിച്ചു. മത്സരം സമനിലയില്‍ ആയതോടെ ലീഗില്‍ ആഴ്‌സണല്‍ അഞ്ചാം സ്ഥാനത്തേക്ക് താഴ്ന്നു, യുണൈറ്റഡ് എട്ടാം സ്ഥാനത്താണ്.

To Top