കൊളസ്‌ട്രോള്‍ കുറയ്ക്കാന്‍ മള്‍ബെറി – Kairalinewsonline.com
Food

കൊളസ്‌ട്രോള്‍ കുറയ്ക്കാന്‍ മള്‍ബെറി

പട്ടുനൂല്‍ പുഴുവിനെ വളര്‍ത്താന്‍ മാത്രമല്ല അമൂല്യ ഔഷധ ഗുണങ്ങളടങ്ങിയ ഒരു ഉത്തമ ഫലമാണ് മള്‍ബറി

മള്‍ബറിച്ചെടിയുടെ പഴങ്ങള്‍ കഴിച്ചിട്ടുള്ളവര്‍ക്കറിയാം അതിന്റെ രുചി. അത്രയ്ക്ക് സ്വാദിഷ്ടമായ ഈ ഫലം ആരോഗ്യത്തിന്റെ കലവറയാണെന്നു കൂടി അറിയുക. പല ആരോഗ്യ പ്രശ്നങ്ങള്‍ക്കുമുള്ള പരിഹാരം ഈ കുഞ്ഞനില്‍ ഉണ്ട്.

നാട്ടിന്‍പുറങ്ങളില്‍ പട്ടുനൂല്‍ കൃഷിക്കായി ഉപയോഗിക്കാറുള്ള ചെടികൂടിയാണ് മള്‍ബെറി. പട്ടുനൂല്‍ പുഴുവിനെ വളര്‍ത്താന്‍ മാത്രമല്ല അമൂല്യ ഔഷധ ഗുണങ്ങളടങ്ങിയ ഒരു ഉത്തമ ഫലമാണ് മള്‍ബറി.

പല രോഗങ്ങള്‍ക്ക് മള്‍ബറി ഒരു പരിഹാരമാണ്. 88 ശതമാനം വെള്ളമടങ്ങിയ ഇതിലെ കലോറിയുടെ മൂല്യം വെറും 60 ശതമാനം മാത്രമാണ്. അതിനാല്‍ ഇതില്‍ കൊഴുപ്പ് തീരെ ഇല്ല എന്ന് തന്നെ പറയാം. കാര്‍ബോഹൈഡ്രേറ്റ്, പ്രോട്ടീന്‍, ഫൈബര്‍, ഫാറ്റ് എന്നിവയും ഇതില്‍ അടങ്ങിയിട്ടുണ്ട്.

ചീത്ത കൊളസ്ട്രോള്‍ കുറയ്ക്കാന്‍ മള്‍ബറി കഴിച്ചാല്‍ മതി. എല്‍ഡിഎല്‍ കൊളസ്ട്രോള്‍ കുറയ്ക്കുകയും ഇതുവഴി ഹൃദയാരോഗ്യത്തെ സംരക്ഷിക്കുന്നതിനും മള്‍ബറി നല്ലതാണ്. ദഹനേന്ദ്രിയത്തിന്റെ ആരോഗ്യത്തിന് മികച്ചതാണ് ഇവ. മള്‍ബറിയില്‍ ധാരാളം ഡയറ്റെറി ഫൈബര്‍ അടങ്ങിയിട്ടുണ്ട്. ഇത് ദഹനത്തിന് സഹായിക്കും.

പ്രമേഹം, ക്യാന്‍സര്‍, മലബന്ധം, ഗ്യാസ്, അസിഡിറ്റി പ്രശ്നങ്ങള്‍ക്കും ഇവ സഹായകമാണ്. മള്‍ബറിയില്‍ അടങ്ങിയിരിക്കുന്ന ജീവകം സി ശരീരത്തിലെ മുറിവുകള്‍ ഉണക്കാന്‍ സഹായിക്കും.

To Top