ബെയ്ജിങ്: വാര്ഷിക ടാര്ഗറ്റ് കൈവരിക്കാന് കഴിയാത്തതിനെ തുടര്ന്ന് ജീവനക്കാരെ തിരക്കേറിയ റോഡിലൂടെ മുട്ടിലിഴയിച്ച് ചൈനീസ് കമ്പനി. പതാകയുമായി മുന്നില് നടക്കുന്നയാളിന്റെ പിന്നാലെ ജീവനക്കാര് മുട്ടും കൈകളും കുത്തി പോകുന്ന വീഡിയോ സോഷ്യല്മീഡിയയില് വൈറലായിക്കഴിഞ്ഞു.
സംഭവം കമ്പനിയുടെ ശിക്ഷാനടപടിയാണെന്ന് മനസിലായതോടെ തെരുവിലെ ജനങ്ങള് പ്രതിഷേധവുമായി രംഗത്ത് എത്തി. സംഭവം വിവാദമായതോടെ കമ്പനി താല്ക്കാലികമായി അധികൃതര് അടച്ചുപൂട്ടി. വീഡിയോ സമൂഹമാധ്യമങ്ങളില് പ്രത്യക്ഷപ്പെട്ടതോടെ പൊതുസമൂഹത്തില്നിന്നു കടുത്ത വിമര്ശനങ്ങളാണ് ഉയരുന്നത്.
സ്ത്രീകള് ഉള്പ്പെടെയുള്ള ജീവനക്കാര് റോഡിലൂടെ മുട്ടിലിഴയുന്നതിന്റെ വിഡിയോ പുറത്തുവന്നതോടെയാണു സംഭവം ചര്ച്ചയായത്. വാഹനങ്ങളോടുന്ന തിരക്കേറിയ നിരത്തിലൂടെ നടത്തിയ ശിക്ഷാജാഥ പൊലീസിന്റെ ശ്രദ്ധയില്പെട്ടതോടെയാണു ജീവനക്കാരുടെ ശിക്ഷ അവസാനിച്ചത്.
അതേസമയം മോശം പ്രകടനം കാഴ്ചവച്ച ജീവനക്കാരുടെ കരണത്തടിക്കുന്ന വിഡിയോ കഴിഞ്ഞ വര്ഷം പുറത്തുവന്നിരുന്നു. മോശം പ്രകടനം കാഴ്ചവെച്ച ജീവനക്കാരെ ചാട്ടകൊണ്ട് അടിക്കുന്ന ദൃശ്യങ്ങള് ഇതിന് മുമ്പ് വൈറലാകുകയും ചെയ്തിരുന്നു. വീഡിയോ സമൂഹമാധ്യമങ്ങളില് പ്രത്യക്ഷപ്പെട്ടതോടെ പൊതുസമൂഹത്തില്നിന്നു കടുത്ത എതിര്പ്പാണു കമ്പനിക്കെതിരെ ഉയര്ന്നിരിക്കുന്നത്.
This Chinese company has a humiliating punishment for employees who fail to meet their targets. pic.twitter.com/cVod5xyXvI
— SCMP News (@SCMPNews) January 16, 2019
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here