ഇതിപ്പോ ആകെ കണ്‍ഫ്യൂഷനായല്ലോ? ബാലികയ്ക്ക് പകരം കബാലി എന്ന് ഉത്തരമെഴുതി രണ്ടാം ക്ലാസ് വിദ്യാര്‍ത്ഥി; കബാലി ഉണ്ടാക്കിയ ട്രെന്റ് ഇത് വരെ അവസാനിച്ചിട്ടില്ലെന്ന് സോഷ്യല്‍മീഡിയ

കബാലി എന്ന ചിത്രം കൊച്ചു കുട്ടികളെവരെ ആവേശംകൊള്ളിച്ചതിന്റെ ഉത്തമ ഉദാഹരണമാണ് ഇപ്പോള്‍ സോഷ്യല്‍മീഡിയയില്‍ വൈറലാകുന്ന ചിത്രം. അക്ഷരം ക്രമപ്പെടുത്തി വാക്കുകളുണ്ടാക്കാനുള്ള ചോദ്യത്തിന് രണ്ടാം ക്ലാസിലെ കുട്ടി ഉത്തരമെഴുതിയിരിക്കുന്നത് കബാലി എന്നാണ്.

ക, ലി, ബാ എന്നീ അക്ഷരങ്ങളാണ് ക്രമപ്പെടുത്താനായി ചോദ്യ പേപ്പറില്‍ ഉണ്ടായിരുന്നത്. ബാലിക എന്നാണ് അധ്യാപകര്‍ ഉദ്ദേശിച്ച ഉത്തരം. എന്നാല്‍ കുട്ടി എഴുതിരിക്കുന്നത് കബാലി എന്നാണ്. എഅതേസമയം ക്രമപ്പെടുത്തിയ അക്ഷരങ്ങള്‍ ക്രമമായത് കൊണ്ട് തന്നെ ടീച്ചര്‍ ഉത്തരത്തിന് നേരെ തെറ്റെന്ന് രേഖപ്പെടുത്തിയിട്ടില്ല.

പകരം വൃത്തത്തില്‍ അടയാളപ്പെടുത്തുക മാത്രമാണ് ചെയ്തിരിക്കുന്നത്. ഇതിന്റെ ചിത്രം സോഷ്യല്‍മീഡിയകളില്‍ വൈറലായിക്കഴിഞ്ഞു. എന്നാല്‍ കുട്ടിയുടെ പേരോ സ്‌കൂളിന്റെ പേലോ ഒന്നും തന്നെ വ്യക്തമല്ല.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here
ksfe-diamond
bhima-jewel