ജിഎ​സ്. പ്ര​ദീ​പിന്‍റെ സ്വ​ർ​ണ​മ​ത്സ്യ​ങ്ങ​ൾ തിയറ്ററില്‍; ചിത്രം പ്രേക്ഷക പ്രശംസ നേടി മുന്നേറുന്നു

അ​റി​വി​ന്‍റെ പു​ത്ത​ൻ പാതകൾ വെട്ടി തെളിച്ച് മല​യാ​ളി​ക​ളു​ടെ ബൗ​ദ്ധി​ക മണ്ഡലത്തിൽ പ​ട​യോ​ട്ടം ന​ട​ത്തി​യ കൈരളി ടിവി അ​ശ്വ​മേ​ധ​ത്തിന്റെ അമരക്കാ​ര​ൻ ഡോ.​ജി.​എ​സ്.​പ്ര​ദീ​പ് സംവിധാനം ചെയ്‌ത സ്വ​ർ​ണ​മ​ത്സ്യ​ങ്ങ​ൾ എ​ന്ന ച​ല​ച്ചി​ത്രം പ്രേക്ഷക പ്രശംസയാൽ ശ്രദ്ധേയമാകുന്നു.

സം​വി​ധാ​യ​ക​ന്‍റെ റോ​ളിലാണ് ഇ​പ്പോ​ൾ മ​ല​യാ​ളി​ക​ളു​ടെ സ്വ​ന്തം ഗ്രാ​ൻ​ഡ് മാ​സ്റ്റ​ർ ജി.എസ് പ്രദീപിന്റെ എൻട്രി.

കു​ട്ടി​ക​ളു​ടെ ജീവിതത്തിലെ ര​ണ്ട് കാ​ല​ഘ​ട്ട​ങ്ങ​ളി​ലൂ​ടെ കടന്ന് പോകുന്ന സി​നി​മ​യാ​ണ് സ്വ​ർ​ണ മ​ത്സ്യ​ങ്ങ​ൾ. ഒ​പ്പം ഗ്രഹാതുരതയുടെ മനോഹരിതയിലേക്ക് മ​ന​സി​നെ കൈ​പി​ടി​ച്ചു കൊ​ണ്ട് പോ​കു​ന്നുമുണ്ട് സ്വർണ്ണ മത്സ്യങ്ങൾ.

യ​ന്ത്ര​വ​ത്ക​രി​ക്ക​പ്പെ​ട്ടു പോ​കു​ന്ന മ​ന​സു​ക​ളി​ലേ​ക്ക് ആ​ർ​ദ്ര​ത​യു​ടെ നീ​രു​റ​വ​ക​ൾ കി​നി​യു​ന്ന സി​നി​മ​യി​ൽ പ്ര​ണ​യ​വും ഓ​ർമ്മയും ഹൃ​ദ​യ​ങ്ങ​ളു​ടെ ഒ​ത്തു​ചേ​ര​ലു​ണ്ടെന്ന് സംവിധായകൻ ജി.എസ് പ്രദീപ് പറഞ്ഞു.

പാ​ല​ക്കാ​ടി​ന്‍റെ മ​നോ​ഹ​ര​മാ​യ ഉ​ൾ​ ഗ്രാമങ്ങൾ, നെ​ല്ലി​യാ​മ്പതി, കൊ​ച്ചി എ​ന്നി​വി​ട​ങ്ങ​ളായി​രു​ന്നു ചിത്രത്തിന്റെ പ്രധാന ലൊക്കേഷനുകൾ.ആദ്യ ദിവസങ്ങളിൽ തന്നെ മികച്ച പ്രേക്ഷക പിന്തുണ നേടി മുന്നേറുകയാണ് സ്വർണ്ണ മത്സ്യങ്ങൾ.

അ​ങ്ക​മാ​ലി ഡ​യ​റീ​സിൽ ശ്രദ്ധേയ കഥാപാത്രമായി തിളങ്ങിയ അ​ന്നാ രാ​ജ​ൻ നാ​യി​ക​യാ​കു​ന്ന ചി​ത്ര​ത്തി​ൽ വ​ള​രെ പ്ര​തി​ഭ​യു​ള്ള ബാ​ല​താ​ര​ങ്ങ​ളാ​യ നൈ​ഫ്, വി​വി​ൻ വി​ത്സ​ൻ, ആ​കാ​ശ്, ജെ​സ്നി​യ, ക​സ്തൂ​ർ​ബ എ​ന്നി​വ​രും സി​ദ്ധി​ഖ്, സു​ധീ​ർ​ക​ര​മ​ന, ര​സ്ന പ​വി​ത്ര​ൻ, രാ​ജേ​ഷ് ഹൈ​ബ​ർ, സ​ര​യു, ബി​ജു സോ​പാ​നം, സ്നേ​ഹ തുടങ്ങിയവരും പ്ര​ധാ​ന വേ​ഷ​ങ്ങളിലെ​ത്തു​ന്നു.

വിവ ഇന്നിന്‍റെ ബാനറിൽ ഉ​ത്തും ഹിതേന്ദ്ര താ​ക്കൂ​രാ​ണ് ചിത്രത്തിന്റെ നി​ർ​മാ​ണം.​ബി​ജിബാൽ സം​ഗീ​ത സം​വി​ധാ​ന​വും അ​ഴക​പ്പ​ൻ ക്യാമ​റ​യും നി​ർ​വ​ഹി​ച്ചി​രി​ക്കു​ന്ന സ്വർണ്ണ മത്സ്യങ്ങളിൽ മു​രു​ക​ൻ കാ​ട്ടാ​ക്ക​ട​യു​ടെ ഗാനങ്ങൾ വി​നീ​ത് ശ്രീ​നി​വാ​സ​നും ജ​യ​ച​ന്ദ്ര​നും ചേർന്ന് ആ​ല​പി​ച്ചി​രി​ക്കു​ന്നു.

whatsapp

കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക

Click Here