കോഴിക്കോട് തിരുവമ്പാടി സ്വദേശിയുടെ പരാതിയിലാണ് യുവതിയെ അറസറ്റ് ചെയ്തത്. 27കാരിയായ തൃശൂര് സ്വദേശി ഷമീനയാണ് പിടിയിലായത്. ഇതോടെ കേസില് അറസ്റ്റിലാകുന്നവരുടെ എണ്ണം മൂന്നായി. കോഴിക്കോട് കക്കാടംപൊയിലിലെ റിസോര്ട്ടില് കഴിഞ്ഞ മാസമാണ് സംഭവം.
തിരുവമ്പാടി സ്വദേശിയായ വ്യവസായിയെ റിസോര്ട്ടില് എത്തിച്ച് നഗ്ന ചിത്രങ്ങള് പകര്ത്തിയ ശേഷം പരസ്യപ്പെടുത്തുമെന്ന് ഭീഷണിപ്പെടുത്തിയാണ് പണം തട്ടിയത്. കേസില് കഴിഞ്ഞ ദിവസം അറസ്റ്റിലായ കൂമ്പാറ സ്വദേശി ഡോണ്, തിരുവമ്പാടി സ്വദേശി ജോര്ജ് എന്നിവരില് നിന്ന് ലഭിച്ച വിവരത്തിന്റെ അടിസ്ഥാനത്തിലാണ് പ്രധാന പ്രതിയായ തൃശൂര് സ്വദേശി ഷമീന വലയിലായത്.
കേസില് മറ്റൊരു പ്രതിയായ അനീഷിനെ ഇനിയും പിടികൂടാനായിട്ടില്ല. ഇയാള്ക്കായുള്ള തിരച്ചില് പൊലിസ് ഊര്ജിതമാക്കി. സംഘത്തില് കൂടുതല് പേരുണ്ടോ എന്നും സംശയിക്കുന്നു. ഇതേ സംഘം വിവിധയിടങ്ങളില് സമാനമായ തട്ടിപ്പ് നടത്തിയെന്നും സൂചനയുണ്ട്. പൊലീസ് ഇതും പരിശോധിക്കുന്നു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here