സിസ്റ്റര് അഭയക്കേസില് ഒന്നാം പ്രതി ഫാദര് തോമസ് കോട്ടൂര്, മൂന്നാം പ്രതി സിസ്റ്റര് സെഫി എന്നിവര് സിബിഐ കോടതിയില് വിചാരണ നേരിടണമെന്ന് ഹൈക്കോടതി വിധിച്ചു. സിബിഐ കോടതി ഉത്തരവിനെതിരെ ഈ രണ്ടു പ്രതികളും നല്കിയ ഹര്ജി തള്ളിക്കൊണ്ടാണ് ജസ്റ്റിസ് സുനില് തോമസിന്റെ വിധി.
രണ്ടാം പ്രതി ഫാദര് ജോസ് പുതൃക്കയിലിനെ വിചാരണ കൂടാതെ വെറുതെ വിട്ട വിധിക്കെതിരെ ജോമോന് പുത്തൻപുരയ്ക്കല് നല്കിയ അപ്പീല് കോടതി തള്ളി.
കേസില് തെളിവു നശിപ്പിച്ചതിനും ഗൂഢാലോചന നടത്തിയതിനും ക്രൈംബ്രാഞ്ച് എസ്പി ആയിരുന്ന കെ ടി മൈക്കിളിനെ നാലാം പ്രതി ആക്കിയ സിബിഐ കോടതി ഉത്തരവും ഹൈക്കോടതി റദ്ദാക്കി. പ്രതി മൈക്കിള് നല്കിയ ഹർജിയിലാണിത്.
കോട്ടയം പയസ് ടെന്ത് കോണ്വെന്റിലെ കിണറ്റില് സിസ്റ്റര് അഭയയെ കൊല്ലപ്പെട്ട നിലയില് കണ്ടെത്തിയത് 1992 മാര്ച്ച് 27-നാണ്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here