ദില്ലി: പ്രധാനമന്ത്രിയായതിന് ശേഷം ആദ്യമായി നടത്തിയ വാര്ത്താ സമ്മേളനത്തില് മാധ്യമപ്രവര്ത്തകരുടെ ചോദ്യങ്ങള്ക്ക് മുമ്പില് മിണ്ടാതെയിരുന്ന നരേന്ദ്രമോദിയെ ട്രോളി ദ ടെലഗ്രാഫ് ദിനപത്രം.
പ്രധാനമന്ത്രി ആദ്യമായിയെത്തിയ വാര്ത്താസമ്മേളനത്തിനെ ശബ്ദ നിരോധിത മേഖലയാണെന്നും ഹോണടിക്കരുതെന്നുമുള്ള ചിഹ്നം നല്കിയുമാണ് ടെലഗ്രാഫിന്റെ ആദ്യ പേജ് ഇറങ്ങിയത്.
പ്രധാനമന്ത്രി നല്കാതെ പോയ ഉത്തങ്ങള്ക്കുള്ള സ്ഥലം ഒഴിച്ചിട്ട പത്രം വാര്ത്താസമ്മേളനത്തിലെ മോദിയുടെ വിവിധ ഭാവങ്ങളും നല്കിയിട്ടുണ്ട്.
എല്ലാ മാധ്യമങ്ങളും തത്സമയം പ്രക്ഷേപണം ചെയ്ത വാര്ത്താ സമ്മേളനത്തില് മോദി സംസാരിക്കുമെന്ന് പ്രതീക്ഷിച്ചിരുന്നെങ്കിലും ‘പാര്ട്ടി അധ്യക്ഷന് സംസാരിക്കുമ്പോള് അച്ചടക്കമുള്ള പാര്ട്ടി പ്രവര്ത്തകനായി ഞാനിവിടെ കേട്ടിരിക്കും, അധ്യക്ഷനാണ് ഞങ്ങള്ക്ക് എല്ലാം’ എന്ന് പറഞ്ഞ് മിണ്ടാതിരിക്കുകയാണ് അദ്ദേഹം ചെയ്തത്.
അമിത് ഷായ്ക്കൊപ്പമാണ് മോദി വാര്ത്താ സമ്മേളനം വിളിച്ചത്. വാര്ത്താ സമ്മേളനത്തില് മോദി തനിക്ക് പറയാനുള്ള കാര്യങ്ങള് വിശദീകരിച്ച് മിണ്ടാതിരിക്കുകയാണ് ചെയ്തത്. മാധ്യമ പ്രവര്ത്തകരുടെ ചോദ്യങ്ങള്ക്കൊന്നും ഉത്തരം നല്കിയില്ല.
പ്രജ്ഞാ സിങ് ഠാക്കൂറിന്റെ ഗോഡ്സെ പ്രകീര്ത്തനത്തെ കുറിച്ച് ഒരു മാധ്യമ പ്രവര്ത്തകന് ചോദിച്ചപ്പോള് അധ്യക്ഷനാണ് തങ്ങള്ക്കെല്ലാമെന്നും താന് അച്ചടക്കത്തോടെ കേട്ടിരിക്കാമെന്നും അമിത് ഷായെ ചൂണ്ടിക്കാണിച്ച് മോദി പറയുകയും ചെയ്തു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here