പ്രവാസി ചിട്ടിയെക്കുറിച്ചുള്ള പ്രചാരണങ്ങള് ശരിയല്ലെന്ന് മന്ത്രി തോമസ് ഐസക്. വശങ്ങളെപ്പറ്റി കൃത്യമായി അറിവില്ലാത്തവര് വിവരങ്ങള് അറിയാതെയാണ് ഇത്തരം കാര്യങ്ങള് പറയുന്നതെന്നും മന്ത്രി ഫേസ്ബുക്ക് കുറിപ്പില് പറഞ്ഞു.കെഎസ്എഫ്ഇ പ്രവാസി ചിട്ടി പരാജയമാണെന്ന പ്രചാരണം ശരിയല്ല. ചിട്ടി നടത്തിപ്പിന്റെ സാങ്കേതിക വശങ്ങളെപ്പറ്റി കൃത്യമായി അറിവില്ലാത്തവരാണ് ഇത്തരം വാര്ത്തകള്ക്ക് പിന്നില്.
കഴിഞ്ഞവര്ഷം നവംബറില് മാത്രം വരിസംഖ്യ സ്വീകരിച്ചുതുടങ്ങിയ പ്രവാസി ചിട്ടി ഏഴുമാസം കൊണ്ട് അന്പതു കോടിയോളം രൂപ സമാഹരിച്ചു കഴിഞ്ഞു. ഇതിനോടകം 240ലേറെ ചിട്ടികള് ആരംഭിക്കുകയും ആയിരത്തോളം പേര് ചിട്ടി വിളിച്ചെടുക്കുകയും ചെയ്തിട്ടുണ്ട്.
ഇപ്പോള് ആരംഭിച്ചിട്ടുള്ള ചിട്ടികളുടെമാത്രം കാലാവധി പൂര്ത്തിയാകുമ്പോള് 310 കോടിയിലേറെ രൂപയുടെ വിറ്റുവരവാണ് ഉണ്ടാകുക. അതിന്റെ ആദ്യഗഡുക്കള് മാത്രമാണ് ഇപ്പോഴത്തെ അന്പതുകോടി.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here