കുറ്റകൃത്യത്തിന് ശേഷം സൗദിയിലേക്ക് മുങ്ങിയ പ്രവാസിയായ പോക്സോ കേസ് പ്രതിയെ സൗദി ഇന്റര്പോളിന്റെ സഹായത്തോടെ കേരളാ പോലീസ് റിയാദില് നിന്ന് പിടികൂടി കൊല്ലത്ത് എത്തിച്ചു. പ്രതി കൊല്ലം ഓച്ചിറ സ്വദേശി സുനില്കുമാര് ഭദ്രനെ (39) റിയാദിലെത്തിയ കൊല്ലം സിറ്റി പൊലീസ് കമീഷണര് മെറിന് ജോസഫിന്റെ നേതൃത്വത്തിലുള്ള പൊലീസ് സംഘമാണ് അറസ്റ്റ് ചെയ്തത്. ഇന്ത്യയും സൗദി അറേബ്യയും കരാറുണ്ടാക്കിയ ശേഷം ആദ്യമായാണ് ഒരു ഇന്ത്യന് വനിതാ പോലീസ് ഓഫീസര് ഇത്തരമൊരു ദൗത്യത്തിന് നേതൃത്വം നല്കുന്നത്.ഇന്നു പുലര്ച്ചെ 1.30 മണിയോടെയാണ് പ്രതിയുമായി കൊല്ലം സിറ്റി പോലീസ് കമ്മീഷണര് മെറിന് ജോസഫ് നെടുമ്പാശ്ശേരി എയര്പോര്ട്ടില് എത്തിയത്.
റിയാദില് കഴിയുന്ന സുനില് കുമാറിനെ നാട്ടിലെത്തിക്കാന് ഒന്നര വര്ഷമായി നടത്തിവന്ന ശ്രമങ്ങള് വിജയിക്കാതായതോടെയാണ് കേരളാ പോലീസിന്റെ ആവശ്യപ്രകാരം ഇന്റര്പോള് റെഡ് കോര്ണര് നോട്ടീസ് പുറപ്പെടുവിച്ചത്. റിയാദില് നിന്ന് പിടികൂടിയ പ്രതിയെ അല്ഹൈര് ജയിലിലാണ് പാര്പ്പിച്ചത്. ഇതാാദ്യമായാണ് പോക്സോ കേസില് അറസ്റ്റും കൈമാറ്റവും നടക്കുന്നത്. ഇന്ത്യയും സൗദി അറേബ്യയും കരാറുണ്ടാക്കിയ ശേഷം ആദ്യമായാണ് ഒരു ഇന്ത്യന് വനിതാ പോലീസ് ഓഫീസര് ഇത്തരമൊരു ദൗത്യത്തിന് നേതൃത്വം നല്കുന്നത്. ഇതുവരെ 6 പേരെ ഇന്റര്പോളിന്റെ സഹായത്തോടെ ഇടതുപക്ഷ സര്ക്കാര് അധികാരത്തിലെത്തിയ ശേഷം പിടികൂടിയിട്ടുണ്ട്.
2017 ലാണ് കേസിനാസ്പദമായ സംഭവം. റിയാദില് പ്രവാസിയായ സുനില് കുമാര് അവധിക്ക് നാട്ടിലെത്തിയപ്പോഴാണ് പെണ്കുട്ടിയെ പീഡിപ്പിച്ചത്.പട്ടികജാതി വിഭാഗക്കാരിയായകുട്ടിയുടെ പിതൃസഹോരന്റെ സുഹൃത്തായിരുന്നു പ്രതി.സ്ഥിരം മദ്യപനായ ഇളയച്ഛന് വഴിയാണ് പെണ്കുട്ടിയുടെ വീടുമായി ഇയാള് ബന്ധം സ്ഥാപിച്ചത്.പെണ്കുട്ടി പീഡനത്തിനിരയായ വിവരം സഹപാഠികള് വഴി സ്കൂളിലെ അധ്യാപിക അറിയുകയും അവര് ചൈല്ഡ് ലൈന് വിവരം കൈമാറുകയുമായിരുന്നു.
ചൈല്ഡ് ലൈന് നടത്തിയ അന്വേഷണത്തില്,ഇയാള് കുട്ടിയെ ഭീഷണിപ്പെടുത്തി നിരന്തരം പീഡിപ്പിച്ചതായി വ്യക്തമായി.അന്വേഷണം നടക്കുന്നതിനിടെ പ്രതി അവധി കഴിഞ്ഞ് റിയാദിലേക്ക് പോയി മഹിളാമന്ദിരത്തില്വെച്ച് ഈ കുട്ടിയും അന്തേവാസിയായ മറ്റൊരു കുട്ടിയും ജീവനൊടുക്കുകയായിരുന്നു. പ്രതി സുനിലിനെ ഇന്നു കോടതിയില് ഹാജരാക്കും.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here