കേരളത്തെ കൈ പിടിച്ചുയർത്താൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകി നിയുക്ത ശബരിമല മേൽശാന്തിയുടെ സഹായം. ശബരിമല മേൽശാന്തിയായി തിരഞ്ഞെടുക്കപ്പെട്ട തിരുന്നാവായ നവാമുകുന്ദ ക്ഷേത്രത്തിലെ മേൽശാന്തി അരീക്കര ഇല്ലം എ കെ സുധീർ നമ്പൂതിരിയാണ് മുഖ്യമന്ത്രിയുടെ ദുരിതാശ്വാസ നിധിയിലേക്ക് സംഭാവന നൽകിയത്.
മേൽശാന്തിയായി തിരഞ്ഞെടുക്കപ്പെട്ടതിനെ തുടർന്ന് സുധീർ നമ്പൂതിരിയെ അഭിനന്ദിക്കാനെത്തിയ സി പി ഐ (എം) ജില്ലാ സെക്രട്ടറിയറ്റ് അംഗം വി പി സക്കറിയക്ക് ചെക്ക് കൈമാറുകയായിരുന്നു. പ്രളയ ദുരിതബാധിതരെ സഹായിക്കാൻ തന്റെ ഒരു ചെറിയ സഹായമെന്ന് പറഞ്ഞാണ് സുധീർ നമ്പൂതിരി ചെക്ക് നൽകിയത്.
തിരുന്നാവായ ക്ഷേത്രത്തിൽ വെച്ച് നടന്ന ചടങ്ങിൽ സി പി ഐ എം വളാഞ്ചേരി ഏരിയാ സെക്രട്ടറി കെ പി ശങ്കരൻ, നേതാക്കളായ വി കെ രാജീവ്, പി മുഹമ്മദ് താഴത്തറ, തിരുന്നാവായ ക്ഷേത്രം എക്സിക്യൂട്ടീവ് ഓഫീസർ കെ പരമേശ്വരൻ എന്നിവരും സംബന്ധിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
