വ്യത്യസ്തവും രസകരവുമായ നിരവധി വീഡിയോകള്‍ ദിവസവും സോഷ്യല്‍ മീഡിയയില്‍ വൈറലാകാറുണ്ട്. ആളുകളെ പൊട്ടി ചിരിപ്പിക്കുന്ന വീഡിയോകളും അതുപോലെ ചിന്തിപ്പിക്കുന്നതുമാണ് പല വീഡിയോകളും. കുട്ടികളുടെ വീഡിയോകള്‍ക്കാണ് പൊതുവെ സോഷ്യല്‍ മീഡിയയില്‍ ആരാധകര്‍ ഏറെയുള്ളത്. കുട്ടികളുടെ കുസൃതികളും സംശയങ്ങളുമൊക്കെ ആളുകളെ ചിരിപ്പിക്കാറുണ്ടെന്നതാണ് സത്യം.
അത്തരത്തിലൊരു വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. ഒരു റൈഡറും ആട്ടിന്‍ കുട്ടിയുമാണ് വീഡിയോയിലെ താരങ്ങളിൾ. വീട്ടിലെ ആട്ടിന്‍ കുട്ടിയെ സ്‌കൂട്ടറില്‍ കയറ്റാന്‍ പഠിപ്പിക്കുന്ന ഒരു കുട്ടി റൈഡറാണ് താരം. കടമ്പനാട് ദേശം എന്ന ഫേസ്ബുക്ക് പേജിലൂടെയാണ് ഈ വീഡിയോ പുറത്ത് വന്നിരിക്കുന്നത്. സ്‌കൂട്ടറിലിരിക്കുന്ന ആണ്‍കുട്ടി അവന്റെ വീട്ടിലെ ഓമന വളര്‍ത്തു മൃഗമായ ആട്ടിന്‍കുട്ടിയെയാണ് പുറകിലത്തെ സീറ്റില്‍ ഇരുത്താന്‍ പഠിപ്പിക്കുന്നത്. കുഞ്ഞിൻ്റെയും ആട്ടിൻക്കുട്ടിയുടെയും സൗഹൃദ വീഡിയോ എല്ലാവരും ഏറ്റെടുത്തു.
ആദ്യം സ്‌കൂട്ടറിന്റെ മുന്‍വശത്ത് നില്‍ക്കുന്ന ആട്ടിന്‍ക്കുട്ടിയോട് പുറകിലേക്ക് പോകാന്‍ അവന്‍ പറയുന്നത് വീഡിയോയില്‍ കേള്‍ക്കാം. സ്‌കൂട്ടറിന്റെ അടുത്ത് ഒരു കസേര ഇട്ടിട്ടുണ്ട്. അതില്‍ കയറി പുറകിലേക്ക് ചാടി കയറടാ എന്ന് കുട്ടി പറയുമ്പോള്‍ വളരെ അനുസരണയോടെ ആ ആട്ടിന്‍ കുട്ടി അത് ചെയ്യുന്നത് ആളുകളെ അത്ഭുതപ്പെടുത്തുകയും ചിരിപ്പിക്കുകയും ചെയ്യുന്നു എന്നതാണ് സത്യം.
പുറകിലത്തെ സീറ്റില്‍ കയറിയത് മാത്രമല്ല, തോളില്‍ പിടിച്ച് ഇരിക്കാന്‍ പറയുമ്പോള്‍ മുന്‍വശത്ത് കാലുകള്‍ പൊക്കി വലിയ ആളുകളെ പോലെ ആ കുഞ്ഞിനെ പിടിച്ചിരിക്കുകയാണ് ആട്. വീട്ടിലുള്ള ആരോ എടുത്ത വീഡിയോയാണ് ഇപ്പോള്‍ സോഷ്യല്‍ മീഡിയയില്‍ വൈറലായി കൊണ്ടിരിക്കുന്നത്. വീട്ടിലെ വളര്‍ത്ത് മൃഗങ്ങള്‍ക്ക് പൊതുവെ കുട്ടികളോട് വളരെയധികം ഇഷ്ട കൂടുതലുണ്ട്. അവരോടൊപ്പം കളിക്കാനും സമയം ചെലവഴിക്കാനും വളര്‍ത്ത് മൃഗങ്ങള്‍ക്ക് ഏറെ ഇഷ്ടമാണ്.
മുന്‍പും വീട്ടിലെ വളര്‍ത്ത് മൃഗങ്ങള്‍ക്ക് ഒപ്പം കുട്ടികള്‍ കളിക്കുന്ന വീഡിയോകള്‍ സോഷ്യല്‍ മീഡിയയില്‍ വൈറലായിട്ടുണ്ട്. പെണ്‍കുട്ടിക്കൊപ്പം ഒളിച്ച് കളിക്കുന്ന നായക്കുട്ടിയുടെ വീഡിയോ സോഷ്യല്‍ മീഡിയയില്‍ കുറച്ച് കാലങ്ങള്‍ക്ക് മുന്‍പ് വൈറലായിരുന്നു.
കൈരളി ഓണ്‍ലൈന്‍ വാര്‍ത്തകള്‍ വാട്‌സ്ആപ്ഗ്രൂപ്പിലും ലഭ്യമാണ്. വാട്‌സ്ആപ് ഗ്രൂപ്പില്‍ അംഗമാകാന്‍ ഈ ലിങ്കില്‍ ക്ലിക്ക് ചെയ്യുക.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
