വ്യാജ വാര്ത്തകള് പ്രചരിപ്പിച്ചതിന് യൂട്യൂബ് ചാനലുകള്ക്കെതിരെ നടപടിയുമായി വാര്ത്താ വിതരണ മന്ത്രാലയം.10 യൂട്യൂബ് ചാനലുകള് കേന്ദ്ര സര്ക്കാര് വിലക്കി. ഈ ചാനലുകള് വഴി പ്രചരിച്ച 45 വിഡിയോകളും നിരോധിച്ചു. മതസ്പര്ദ്ധ സൃഷ്ടിക്കാന് ശ്രമിച്ച യൂട്യൂബ് ചാനലുകള്ക്കെതിരെയാണ് നടപടി. ഇന്റലിജന്സ് ഏജന്സികള് നല്കിയ വിവരത്തിന്റെ അടിസ്ഥാനത്തിലാണ് നടപടിയെടുത്തത്.
ദേശീയ സുരക്ഷയുമായി ബന്ധപ്പെട്ട് തെറ്റായ വിവരങ്ങള് പ്രചരിപ്പിച്ചതിന് 8 യൂട്യൂബ് ചാനലുകളെ കേന്ദ്രസര്ക്കാര് ആ?ഗസ്റ്റ് 18നും നിരോധിച്ചിരുന്നു. ഒരു പാക്ക് ചാനലും, 7 ഇന്ത്യന് ചാനലുമാണ് ഇന്ത്യാ വിരുദ്ധ ഉള്ളടക്കം പ്രചരിപ്പിച്ചതിന് ഇന്ഫര്മേഷന് ആന്ഡ് ബ്രോഡ്കാസ്റ്റിംഗ് മന്ത്രാലയം നിരോധിച്ചത്. മതപരമായ നിര്മിതികള് പൊളിക്കാന് ഇന്ത്യാ ഗവണ്മെന്റ് ഉത്തരവിട്ടു എന്നതുപോലുള്ള വ്യാജ വാര്ത്തകള് ഇവര് നല്കിയതായാണ് അന്ന് കണ്ടെത്തിയത്. 2021ലെ ഐ ടി നിയമങ്ങള് പ്രകാരമാണ് നടപടി.
ഇത്തരം യൂട്യൂബ് ചാനലുകളുടെ ഉള്ളടക്കത്തിന്റെ ലക്ഷ്യം മതസമൂഹങ്ങള്ക്കിടയില് വിദ്വേഷം പടര്ത്തുക എന്നതായിരുന്നു. ഇന്ത്യന് സായുധ സേന, ജമ്മു കശ്മീര് തുടങ്ങിയ വിവിധ വിഷയങ്ങളില് വ്യാജ വാര്ത്തകള് പോസ്റ്റ് ചെയ്യാനും യൂട്യൂബ് ചാനലുകള് ഉപയോഗിച്ചിരുന്നു.
കൈരളി ഓണ്ലൈന് വാര്ത്തകള് വാട്സ്ആപ്ഗ്രൂപ്പിലും ലഭ്യമാണ്. വാട്സ്ആപ് ഗ്രൂപ്പില് അംഗമാകാന് ഈ ലിങ്കില് ക്ലിക്ക് ചെയ്യുക.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here