ഇന്ത്യയിലെ പ്രമുഖ ടിവി റിയാലിറ്റി ഷോയില്‍ ഒന്നാം നമ്പര്‍ പോണ്‍സ്റ്റാര്‍ മിയ ഖാലിഫയും പങ്കെടുത്തേക്കും. ബിഗ് ബോസിന്റെ 9-ാം എഡിഷനില്‍ അമേരിക്കന്‍ താരം മിയ ഖാലിഫ പങ്കെടുക്കാനുള്ള സാധ്യത സംഘാടകര്‍ തള്ളിക്കളയുന്നില്ല. ചാനല്‍ ഷോയില്‍ പങ്കെടുക്കണം എന്നാവശ്യപ്പെട്ട് സംഘാടകര്‍ മിയയെ സമീപിച്ചതായാണ് സൂചന. മിയ അനുകൂല നിലപാടാണ് സ്വീകരിച്ചതെന്നും റിപ്പോര്‍ട്ടുകളുണ്ട്.
ഹോളിവുഡിലെ പ്രമുഖ ബ്രാന്‍ഡ് ആയ പോണ്‍ഹബ്ബിലൂടെയാണ് മിയ ഖാലിഫ എന്ന ലെബനന്‍കാരിയെ പുറം ലോകം അറിയുന്നത്. ഏഴാം വയസില്‍ അമേരിക്കയിലേക്ക് കുടിയേറിയ മിയ ചുരുങ്ങിയ കാലംകൊണ്ട് അറിയപ്പെടുന്ന പോണ്‍താരമായി. ലോകത്തിലെ ഏറ്റവുമധികം പേര്‍ ഇന്റര്‍നെറ്റില്‍ തെരയുന്ന പോണ്‍സ്റ്റാറും മിയ ഖാലിഫ തന്നെ. ബാംഗ്‌ബ്രോസ് നിര്‍മ്മിച്ച വീഡിയോയില്‍ മത ചിഹ്നം ധരിച്ച് പ്രത്യക്ഷപ്പെട്ടതോടെ ഇസ്ലാമിക് സ്‌റ്റേറ്റ് തീവ്രവാദികളില്‍ നിന്ന് വധഭീഷണിയും മിയ നേരിട്ടു.
ചരിത്രത്തില്‍ ബിരുദധാരിയായ മിയ ഫ്‌ളോറിഡയിലാണ് താമസം. പതിനെട്ട് വയസ് പൂര്‍ത്തിയായ ഉടന്‍ മിയ വിവാഹിതയായി. റിയാലിറ്റി ഷോയുടെ പുതിയ പതിപ്പിന് ഇരുപത്തിരണ്ടുകാരിയായ മിയയെ വച്ച് നേട്ടമുണ്ടാക്കാനാകുമെന്നാണ് സംഘാടകരുടെ കണക്കുകൂട്ടല്‍. റിയാലിറ്റി ഷോയുടെ അഞ്ചാം എഡിഷനില്‍ മറ്റൊരു പോണ്‍സ്റ്റാര്‍ സണ്ണി ലിയോണ്‍ പങ്കെടുത്തിരുന്നു. ഹോളിവുഡ് താരം കിം കാര്‍ദഷിയാന്‍ കഴിഞ്ഞ സീസണില്‍ പങ്കെടുക്കുമെന്നായിരുന്നു അന്ന് പുറത്തുവന്ന വാര്‍ത്തകള്‍.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
