തലസ്ഥാനത്ത് പട്ടാപ്പകല്‍ ഗുണ്ടാ ആക്രമണം; യുവാവിനെ വെട്ടിപ്പരുക്കേല്‍പ്പിച്ചു

തിരുവനന്തപുരം: തലസ്ഥാനത്ത് പട്ടാപ്പകല്‍ ഗുണ്ടാ ആക്രമണം. ചാക്ക ബൈപാസിലാണ് യുവാവിനെ ഗുണ്ടകള്‍ ആക്രമിച്ചത്. കല്ലയം സ്വദേശി അശോക് കുമാറിന് നേരെയാണ് ആക്രമണം. ബൈക്കിലെത്തിയ സംഘം അശോക് കുമാറിനെ വെട്ടി പരുക്കേല്‍പ്പിച്ച ശേഷം കടന്നുകളഞ്ഞു. KL-01-Q-7873 നമ്പര്‍ ബൈക്കിലാണ് ഗുണ്ടകള്‍ എത്തിയതെന്ന് ദൃക്‌സാക്ഷികള്‍ പറഞ്ഞു. ഗുരുതരമായി പരുക്കേറ്റ യുവാവിനെ തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.