പെൺപുലികൾ തിരശീല കീഴടക്കും; വെല്ലാൻ നായകനുമില്ല; റാണി പത്മിനിമാരെ കാത്തിരിക്കാൻ മൂന്ന് കാരണങ്ങളെന്ന് ഷഹബാസ് അമാൻ

ആഷിഖ് അബുവിന്റെ പുതിയ ചിത്രമായ റാണി പത്മിനിയെ കാത്തിരിക്കാൻ മൂന്നു കാരണങ്ങളുണ്ടെന്ന് ഗായകൻ ഷഹബാസ് അമാൻ.

ചിത്രം ഒക്ടോബർ 23ന് തീയേറ്ററുകളിൽ എത്തും. മഞ്ജു വാര്യരും (റാണി), റിമ കല്ലിങ്കലും (പത്മിനി) പ്രധാനവേഷത്തിലുള്ള സിനിമയിൽ നായകനില്ല. രണ്ടു സ്ത്രീകളുടെ കൊച്ചി മുതൽ ഹിമാചൽപ്രദേശ് വരെയുള്ള യാത്രയാണ് പ്രമേയം. കാശ്മീർ, ഹിമാചൽ, ദില്ലി എന്നിവിടങ്ങളിലായിരുന്നു ചിത്രീകരണം. പിഎം ഹാരിസും മുഹമ്മദ് അൽത്താഫുമാണ് നിർമ്മാതാക്കൾ. ഛായാഗ്രഹണം മധുനീലകണ്ഠൻ. ശ്യാം പുഷ്‌ക്കരനും രവിശങ്കരും ചേർന്നാണ് തിരക്കഥയൊരുക്കിയത്. സംഗീതം ബിജിപാൽ.