‘എന്റെ പേരിൽ വ്യാജ ഫോൺനമ്പർ’; വഞ്ചിതരാകരുതെന്ന് ആരാധകരോട് ഉണ്ണി മുകുന്ദൻ

തന്റേതെന്ന പേരിൽ പ്രചരിക്കുന്നത് വ്യാജ വാട്‌സ്ആപ്പ് നമ്പറാണെന്ന് യുവതാരം ഉണ്ണി മുകുന്ദൻ. ഉപയോഗിക്കാത്ത ആ നമ്പരിനെ കുറിച്ച് നിരവധി മെസേജുകളാണ് ദിവസവും ലഭിച്ചുകൊണ്ടിരിക്കുന്നതെന്നും ഇതിന്റെ പേരിൽ മറുപടി പറഞ്ഞ് മടുത്തിരിക്കുകയാണെന്നും ഉണ്ണി മുകന്ദൻ പറഞ്ഞു.

ആ നമ്പരിൽ വാട്‌സ്ആപ്പോ മൊബൈൽ കണക്ഷനോ തനിക്കില്ല. ഈ നമ്പർ ഉപയോഗിക്കുന്നയാൾ തന്റെ പേരിലാണ് അത് ഉപയോഗിക്കുന്നതെന്ന് കണ്ടെത്തിയിട്ടുണ്ട്. അതു കൊണ്ട് അതിൽ നിന്നു വരുന്ന സന്ദേശങ്ങൾ ദയവായി പ്രോത്സാഹിപ്പിക്കരുതെന്നും തട്ടിപ്പുകളിൽ വീണുപോകരുതെന്നും ഉണ്ണി മുകുന്ദൻ താരങ്ങളോട് അഭ്യർത്ഥിച്ചു.