സല്‍മാന്‍ ഖാന്റെ പുതിയ ചിത്രത്തിന് ടിക്കറ്റ് ലഭിക്കാത്തതില്‍ മനംനെന്ത യുവാവ് ആത്മഹത്യ ചെയ്തു. മധ്യപ്രദേശ് ഇന്‍ഡോര്‍ സ്വദേശി ധര്‍മ്മേന്ദ്ര കുശ വാഹ എന്ന യുവാവാണ് ആത്മഹത്യ ചെയ്തത്. ‘പ്രേം രത്തന്‍ ദന്‍ പായോ’ കാണാന്‍ ധര്‍മ്മേന്ദ്ര നേരത്തെ തീയേറ്ററില്‍ എത്തിയെങ്കിലും ടിക്കറ്റ് ലഭിക്കാതിരിക്കുകയായിരുന്നു.
ഇന്‍ഡോറിലെ അനൂപ് ടാക്കീസില്‍ ടിക്കറ്റിനായി ഇയാള്‍ ക്യൂ നിന്നെങ്കിലും വരി തെറ്റിച്ചുവെന്ന കാരണത്താല്‍ ഇയാളെ ചിലര്‍ പുറത്താക്കിയിരുന്നു. തുടര്‍ന്ന് തീയേറ്റര്‍ ഹൗസ് ഫുളായതോടെ ധര്‍മ്മേന്ദ്രയ്ക്ക് ടിക്കറ്റ് ലഭിച്ചില്ല. അതിനിടെ തീയറ്റര്‍ മാനേജറുമായി വാക്കേറ്റത്തിലായ യുവാവിനെ മാനേജറും സംഘവും വീട്ടിലെത്തി മര്‍ദ്ദിച്ചെന്ന് സഹോദരന്‍ രാകേഷ് പറയുന്നു. ഇതില്‍ വിഷമിച്ചാണ് ഇയാള്‍ ആത്മഹത്യ ചെയ്തതെന്ന് സുഹൃത്തുകള്‍ പറയുന്നു.
സംഭവത്തിന് ശേഷം തീയേറ്ററിന് നേരെ കല്ലേറുണ്ടായി. ധര്‍മ്മേന്ദ്രയുടെ സഹോദരന്റെ പരാതിയില്‍ തീയേറ്റര്‍ അധികൃതര്‍ക്കെതിരെ ആത്മഹത്യാ പ്രേരണാകുറ്റത്തിന് കേസെടുത്തിട്ടുണ്ടെന്ന് പൊലീസ് അറിയിച്ചു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
