ഹൈക്കോടതി നിരീക്ഷിച്ചത് പ്രതിപക്ഷം ചൂണ്ടിക്കാണിച്ച കാര്യങ്ങള്‍; സര്‍ക്കാര്‍ സംവിധാനം ദുരുപയോഗം ചെയ്യുന്നത് കോടതി തുറന്നു കാണിച്ചെന്ന് പിണറായി

തിരുവനന്തപുരം: ബാര്‍ കോഴക്കേസില്‍ ഹൈക്കോടതി നിരീക്ഷിച്ചത് പ്രതിപക്ഷം ചൂണ്ടിക്കാണിച്ച കാര്യങ്ങളാണെന്ന് സിപിഐഎം പിബി അംഗം പിണറായി വിജയന്‍.

‘ഞങ്ങള്‍ ആവര്‍ത്തിച്ചു പറഞ്ഞ കാര്യങ്ങളാണ് ഹൈക്കോടതി ചൂണ്ടിക്കാണിക്കുന്നതും സ്ഥിരീകരിക്കുന്നതും. ആരോപണ വിധേയര്‍ നിരപരാധികള്‍ ആണെന്ന് മുഖ്യമന്ത്രി തന്നെ ആവര്‍ത്തിച്ചു പറയുന്നു. അവരെ രക്ഷിക്കാന്‍ നിയമ വിരുദ്ധമായ മാര്‍ഗങ്ങള്‍ അവലംബിക്കുന്നു. ഉമ്മന്‍ ചാണ്ടി സര്ക്കാരിന്റെ ഈ ഹീനമുഖമാണ് ഹൈക്കോടതിയില്‍ തകരുന്നത്. ‘- പിണറായി പറയുന്നു.