തിരുവനന്തപുരം: ബജറ്റ് അവതരണ ദിവസം നിയമസഭയിലുണ്ടായ കയ്യാങ്കളിയുടെ പേരില് ആറു പ്രതിപക്ഷ എംഎല്എമാര്ക്കെതിരെ ക്രൈംബ്രാഞ്ച് എഫ്ഐആര് സമര്പ്പിച്ചു. പൊതുമുതല് നശിപ്പിച്ചെന്ന കുറ്റം ചുമത്തിയാണ് പ്രതിപക്ഷ എംഎല്എമാര്ക്കെതിരെ എഫ്ഐആര് സമര്പ്പിച്ചിട്ടുള്ളത്. എംഎല്എമാരായ വി ശിവന്കുട്ടി, കെ അജിത്, കെ.ടി ജലീല്, ഇ.പി ജയരാജന്, സി.കെ സദാശിവന്, കുഞ്ഞഹമ്മദ് മാസ്റ്റര് എന്നിവര്ക്കെതിരെയാണ് എഫ്ഐആര് സമര്പ്പിച്ചിട്ടുള്ളത്. ഒരുമാസം മുമ്പാണ് എഫ്ഐആര് സമര്പ്പിച്ചത്. രണ്ടുലക്ഷം രൂപയുടെ പൊതുമുതല് നശിപ്പിക്കപ്പെട്ടെന്ന് എഫ്ഐആറില് പറയുന്നു.
തിരുവനന്തപുരം മജിസ്ട്രേറ്റ് കോടതിയിലാണ് ക്രൈംബ്രാഞ്ച് എഫ്ഐആര് സമര്പ്പിച്ചിട്ടുള്ളത്. ബജറ്റ് അവതരണ ദിവസം ബാര് കോഴക്കേസില് ഉള്പ്പെട്ട മന്ത്രി മാണി ബജറ്റ് അവതരിപ്പിക്കരുതെന്ന് ആവശ്യപ്പെട്ട് പ്രതിപക്ഷം പ്രതിഷേധം സംഘടിപ്പിച്ചിരുന്നു. സഭയ്ക്കകത്തും സംഘടിപ്പിച്ച പ്രതിഷേധത്തിന്റെ പേരിലാണ് കുറ്റപത്രം സമര്പ്പിച്ചിട്ടുള്ളത്. പരാതിയില് സ്പീക്കറില് നിന്നടക്കം മൊഴി രേഖപ്പെടുത്തിയിരുന്നു. ഇതിന്റെ അടിസ്ഥാനത്തില് കൂടിയാണ് ഇവര്ക്കെതിരെ എഫ്ഐആര് സമര്പ്പിച്ചിട്ടുള്ളത്.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here