സ്വന്തം ജീവന്‍ പണയപ്പെടുത്തി മറ്റൊരാളുടെ ജീവന്‍ രക്ഷിക്കാന്‍ ശ്രമിക്കുന്നതു തന്നെയാണ് ധീരത. അതുകൊണ്ട് നൗഷാദ് നമുക്കെല്ലാം മാതൃകയായി മാറുന്നകയാണെന്നു സംവിധായകന്‍ ജയരാജ്. കൈരളി ന്യൂസ് ഓണ്‍ലൈന്‍ ആരംഭിച്ച #NoushadForBraveryAward കാമ്പയിനില്‍ അഭിപ്രായം രേഖപ്പെടുത്തി സംസാരിക്കുകയായിരുന്നു ജയരാജ്.
നൗഷാദ് മലയാളത്തിന് അഭിമാനതുല്യമായ മാതൃകയാവുന്നു. അതുകൊണ്ട് ധീരതയ്ക്കുള്ള പുരസ്‌കാരം കൊടുത്തേ പറ്റൂ. നൗഷാദിന്റെ കുടുംബത്തെയും നൗഷാദിന്റെ സ്വപ്‌നങ്ങളെയും കാത്തുസൂക്ഷിക്കേണ്ട ചുമതല നമുക്കാണ്. നമ്മുടെ പുതിയ തലമുറയ്ക്ക്, ഈ മനസാക്ഷിക്കു ലഭിച്ച ഏറ്റവും വലിയ തിരിച്ചറിവാണിത്. നൗഷാദിന്റെ ജീവനെ ഏതെങ്കിലും തരത്തില്‍ ആദരിക്കാന്‍ ധീരതയ്ക്കുള്ള പുരസ്‌കാരം നല്‍കണമെന്നാണ് തന്റെ ആഗ്രഹവും അപേക്ഷയുമെന്നും ജയരാജ് പറഞ്ഞു.
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
