റിയാദ്: റിയാദില് മലയാളിയുടെ കാറിന്റെ ചില്ല് തകര്ത്ത് പണവും മൊബൈലും ഇഖാമയും കവര്ന്നു. സൗദി ഡിസ്ട്രിബ്യൂഷന് കമ്പനിയിലെ ജീവനക്കാരന് താമരശ്ശേരി സ്വദേശി ഷമീറിന്റെ കാറാണ് അക്രമികള് തല്ലിത്തകര്ത്തത്. വിന്ഡോ ഗ്ലാസില് രാസപദാര്ഥം സ്പ്രേ ചെയ്താണ് ചില്ല് തകര്ത്തത്.
കഴിഞ്ഞ ദിവസം വൈകുന്നേരം ആറു മണിയോടെയാണ് സംഭവം. രണ്ടു പേര് കാറിന്റെ സമീപത്ത് വന്ന് നില്ക്കുന്നത് അല്പ്പസമയത്തിന് ശേഷം ചില്ലില് രാസപദാര്ത്ഥം സ്പ്രേ ചെയ്ത് പത്ത് മിനിട്ടോളം കാത്തിരിക്കുന്നതും സിസിടിവിയില് പതിഞ്ഞിട്ടുണ്ട്. തുടര്ന്ന് ഒരാള് ചില്ല് പൊട്ടിക്കുന്നതും രണ്ടാമത്തെയാള് ബാഗില് മോഷണ വസ്തുക്കള് ശേഖരിച്ച് നടന്നുനീങ്ങുന്നതും ദൃശ്യങ്ങളില് കാണാം.
ആഫ്രിക്കന് വംശജരാണ് കാര് തകര്ത്തതെന്ന് പൊലീസ് അറിയിച്ചു. ഇതാദ്യമായാണ് കാറില് രാസപദാര്ഥം സ്പ്രേ ചെയ്ത് കൊളളയടിക്കുന്ന സംഭവം. ഷമീറിന്റെ പരാതിയെ തുടര്ന്ന് പൊലീസ് അന്വേഷണം ആരംഭിച്ചു.
കൈരളി ന്യൂസ് വാട്സ്ആപ്പ് ചാനല് ഫോളോ ചെയ്യാന് ഇവിടെ ക്ലിക്ക് ചെയ്യുക
Click Here