നിഹാല്‍ ബിട്‌ല എന്ന 14കാരന് അകാലത്തില്‍ വാര്‍ധക്യം എന്ന ജനിതക വൈകല്യമാണ്. നിഹാലിന്റെ ഏറെക്കാലമായുള്ള ആഗ്രഹമായിരുന്നു തന്റെ ഇഷ്ടതാരം ആമിര്‍ഖാനെ ഒന്നു നേരില്‍ കാണുക എന്നത്. ഒടുവില്‍ ആമിര്‍ കുഞ്ഞു നിഹാലിന്റെ ആഗ്രഹം നിറവേറ്റിക്കൊടുത്തു. നിഹാലിന്റെ വീട്ടിലെത്തി അവന് സമ്മാനങ്ങളും നല്‍കി, മനുഷ്യത്വപരമായ പ്രവര്‍ത്തനങ്ങള്‍ കൊണ്ട് എന്നും ആരാധകരുടെ മനം കവര്‍ന്ന മിസ്റ്റര്‍ പെര്‍ഫക്ഷനിസ്റ്റ്. അങ്ങനെ അസഹിഷ്ണുതാ വിവാദങ്ങള്‍ക്ക് പിന്നാലെ ആമിര്‍ഖാന്‍ വീണ്ടും വാര്‍ത്തകളില്‍ ഇടം നേടുകയാണ്.
താരെ സമീന്‍ പര്‍ എന്ന ആമിര്‍ ഖാന്‍ ചിത്രമാണ് നിഹാലിന് ആമിറിനോട് കടുത്ത ആരാധനയുണ്ടാവാന്‍ കാരണം. അങ്ങനെയാണ് ആമിര്‍ ഖാനെ കാണണം എന്ന് നിഹാല്‍ ഫേസ്ബുക്ക് വഴി ആവശ്യപ്പെട്ടത്. താരെ സമീന്‍ പര്‍ എന്ന ചിത്രമാണ് ജീവിതത്തെ ഇത്രയേറെ ധൈര്യത്തോടെ സമീപിക്കുവാന്‍ തന്നെ പ്രാപ്തനാക്കിയത്. ഇതായിരുന്നു നിഹാല്‍ ഫേസ്ബുക്കില്‍ കുറിച്ചത്. ഇത് ശ്രദ്ധയില്‍പ്പെട്ട ആമിറിന്റെ ആരാധകര്‍ പോസ്റ്റ് താരത്തിന്റെ ശ്രദ്ധയില്‍പെടുത്തി.
കുട്ടി ആരാധകനെ കാണാന്‍ ഇഷ്ടമുണ്ടെന്നും നിഹാല്‍ ആഗ്രഹിക്കുന്നയിടത്ത് കൂടിക്കാഴ്ച സാധ്യമാക്കാമെന്നും ആമിര്‍ മറുകുറിപ്പിട്ടു. പിന്നെ താരെ സമീന്‍ പര്‍ ഇഷ്ടമാണെന്ന് അറിഞ്ഞതില്‍ അതിലേറെ സന്തോഷവും രേഖപ്പെടുത്തി. വൈകാതെ തന്റെ കുട്ടി ആരാധകനെ കാണാന്‍ താരം പറന്നെത്തി. സ്വന്തം കൈയ്യൊപ്പിട്ട താരെ സമീന്‍ പറിന്റെ സിഡി ഉള്‍പ്പടെ സമ്മാനങ്ങളും നല്‍കി. താന്‍ വരച്ച ഗണേശ ഭഗവാന്റെ ചിത്രമായിരുന്നു ആമിറിനുള്ള നിഹാലിന്റെ സമ്മാനം.
“Thank you Aamir uncle for making my dream come true. Your ‘Taare Zameen Par’ always inspired me to face adverse…
Posted by Team Nihal on Monday, December 21, 2015
കൈരളി ന്യൂസ് വാട്‌സ്ആപ്പ് ചാനല്‍ ഫോളോ ചെയ്യാന്‍ ഇവിടെ ക്ലിക്ക് ചെയ്യുക
Click Here
