ദില്ലി: പാകിസ്താനിലും അഫ്ഗാനിസ്താനിലും ഭൂചലനം. റിക്ടര്‍ സ്‌കെയിലില്‍ 6.2 തീവ്രത രേഖപ്പെടുത്തിയ ചലനമാണ് അനുഭവപ്പെട്ടത്. അഫ്ഗാനിസ്താനിലെ താജിക്കിസ്താന്‍ ആണ് ഭൂചലനത്തിന്റെ പ്രഭവകേന്ദ്രം. ദില്ലിയടക്കം വടക്കേ ഇന്ത്യന്‍ സംസ്ഥാനങ്ങളിലും ചലനം അനുഭവപ്പെട്ടു. ദില്ലി, ജമ്മു-കശ്മീര്‍, ചണ്ഡീഗഢ് തുടങ്ങിയസംസ്ഥാങ്ങളിലാണ് ചലനം അനുഭവപ്പെട്ടത്. സമുദ്രോപരിതലത്തില്‍ നിന്ന് 186 കിലോമീറ്റര്‍ ആഴത്തിലായിരുന്നു ചലനം ഉണ്ടായത്. രാത്രി 12.44നാണ് ചലനം അനുഭവപ്പെട്ടത്. ആര്‍ക്കെങ്കിലും ജീവന്‍ നഷ്ടപ്പെട്ടതായി റിപ്പോര്‍ട്ടില്ല. 37 പേര്‍ക്ക് പരുക്കേറ്റതായി റിപ്പോര്‍ട്ടുണ്ട്.
ചലനം അനുഭവപ്പെട്ടതോടെ ആളുകള്‍ വീടുകളില്‍ നിന്ന് പുറത്തേക്കിറങ്ങി ഓടി.
കാബൂളില്‍ നിന്ന് 280 കിലോമീറ്റര്‍ അകലെയാണ് ഭൂചലനത്തിന്റെ പ്രഭവകേന്ദ്രമായ താജിക്കിസ്താന്‍. പാക് നിയന്ത്രണ കശ്മീരിലും ദില്ലിയിലും രണ്ടു തവണ ഭൂചലനം അനുഭവപ്പെട്ടു.ദില്ലിക്കു പുറമെ ഛണ്ഡീഗഡിലും ശ്രീനഗറിലും ജയ്പൂരിലും രണ്ടു മിനിറ്റോളം നീണ്ടുനിന്ന ഭൂചലനം അനുഭവപ്പെട്ടു. പാകിസ്താനിലും അഫ്ഗാനിസ്താനിലും ചിലര്‍ക്ക് പരുക്കേറ്റതൊഴിച്ചാല്‍ ആളപായങ്ങള്‍ ഒന്നും റിപ്പോര്‍ട്ട് ചെയ്തിട്ടില്ല. പാക്കിസ്ഥാനിലെ പെഷാവറില്‍ ഭൂചലനത്തില്‍ 30 പേര്‍ക്ക് പരുക്കേറ്റു.
Get real time update about this post categories directly on your device, subscribe now.
Discussion about this post